De Saksenspiegel in Nederland

Van leen te belien. CCXXXVIII. (24 § 2.)

So wanneer die here dien manne goet liet, dat hi mit rechte an hem ghebrocht hevet, dat is hi sculdich te hant te benoemene, aldat hys weet, dat sel hi benoemen over viertiennacht.⁴) Daer sal hem die here ghededinghen⁵) mit ordel voer sinen mannen, so wat hi daer niet ne noemet daeran⁶) en hevet hi niet meer rechtes. Ende datselve dat hys noemt⁷), ofts hem die here niet ne becant, dat sal hi mit ghetughe behouden, altehant of hi mach, ende of hijs niet ne mach so heeft hi ververst viertien nacht.⁸) Sinen tuuch sal hi altehant benoemen des heren mannen also vele als hi wille, dier sal hem die here sevene bringhen, dier die man gheret ende niet dier die here

[p. 135]

tekstkritische noten

wil. ¹) So welc dier sevene daer te ieghenwoerde sijn die ne derf die here niet bringhen te daghe of hi hem te hant vraghet om den tuuch. ²) So welc hore tot dien daghe niet en coemt die die here bringen sal, mit dien hevet die man volbracht sinen tuuch ieghen sinen here.

1) die de man begheert ende niet die de heer wil C. deer die man geert ende niet der die here wille O.
2) der seven die daer tegenwordich syn der en derff die heer niet brengen te daghe off hi on te hant vraget an den tuych O. daer tot dien daghe nyet brenghen of hi hem te hant om dien tuych vraghet jeghen sinen heer C.
3) die man alsus niet O.
4) ende wert hi beschineget als recht is O. ende wart die noet bewyset al recht is C.
5) latet oec A. ladet oec die rechter der O. daghet oec die heer dien benoemden tuich.
6) die here sal on vordedinghen te recht O. die heer sellen woert degedinghen te recht C.
7) goet ontwysen C.
8) te tughe noempt O. te tughe noemt C.
9) ende dat op den heilighen hout die gheen een darf die niet brenghen of om tughe vraghen C. op den heiligen geswert den en dereeff die here niet vragen om en geen tuch noch te daghe brengen O.
10) soe wes hi hem daer an vermet dat is dien heer ledich C.
11) wille oec die here tuich leiden op sinen man ende en trouwet des die man niet O. of die heer tughen sel brenghen op sinen man ende ghetruwet des die man niet C.