De Saksenspiegel in Nederland

Van leen te verlien of manscap. CCXXXVII. (23.)

Die here sal niemans manscap voerspreken⁷), sonder des die des heerscildes dervet of des die in des rikes achte is of in dien selven gherechte vervest is ⁸) of om ander ongherechte, ende hem mit ordel ghedinghet is, binnen dien bedingene derf hem die here niet ontfaen⁹) te manne. So wien oec die here

[p. 134]

tekstkritische noten

te manne ontfaet, dien ne mach hi niet weygheren goet te lenene, dat hi mit rechte an hem ghebrocht hevet ende sine manscap omme gheboden hevet ¹) Die here sal sinen manne te alre tijt in allen steden goet lien, daer mens hem te rechte angheret²), dan allene in kerken of in kerchoven. So wanneer die here ordels vraghet sinen manne of hem die ghene sine manscap also gheboden hebbe also hine mit rechte te manne sulle ontfaen, weygheret hem dan sijn man ordel te vindene sonder des heren scout, ende moghen si dan des volcomen mit rechte, die here is sonder scout ieghen den man ende die man ne werft mit dien sinnene niet meer, dan oft hem die here daerna sculdighe, dat hi hem ieghen hem verwaret hebbe dat hi sijn onscout daervore te waerlike doen mach. ³)

1) ende sine manscap an on geboden heet O.
2) daer mens të recht aen geert O. daer men te recht an hem begheert C.
3) ende die man en ervet mit den sinnen dan of die heer hem daer nae besculdighen woude van dat hy hem niet bewaert een hadde dat hi dan te bet syn onsculde doen mocht C. ende die man en werfft mit den sinene niet mere dan offt die here on daer nae sculdighe dat hi on tegen verwaert hebbe dat hi syn onscout daer voer des waerliken doen mach O.
4) te hant te benomene al dat hys weet dat sal hi benomen over viertiennacht O. thants te benoemen al dat hy weet ende dat hy thant niet een weet dat sel hy nomen over viertien daghen C.
5) die here gededinghe mit ordel O. die heer deghedinghen voer sinen mannen C.
6) Soe wat hi daer niet en noempt daeran O. Soe wes hy dan niet een benoemt daer C.
7) inde dat selve dat hi noempt oft on die here O.
8) soe heeff hi verst veertiennacht O. soe neme hi viertien daghe dach maer hi sal alte hant benoemen C.