De Saksenspiegel in Nederland

Van leen te dinghen. CCXXXI. (18.)

Of die here sinen manne te leenrechte dedinghet, binnen dien ghedinghe ne is hi niet sculdich dien manne te antwordene⁶), of hi hem yet sculdighet, die wile syn zake ongheent is. Wert oec des heren leenrecht gheverst mit ordele ⁷) ende versterft dien man een goet an, et si ghedinghe of leen, des hi an den overen sinnet of biet te behoudere mit rechte⁸) die heer sal hem leenrecht doen binnen sinen deghedinghe ⁹) also hi des heren sculdich ghinghe onverendet. Die here mocht anders an synre sculdichghinghe toghen den manne bat dat hi hem veriaerde van synre sinninghe.