De Saksenspiegel in Nederland

Van leen te verlien. CCXXX. (15 § 2.)

So wanneer die man an den overen heren volghet sinen goede ende der leninghe of der wisinghe an hem gheret ⁸), hi is sculdich dien heren dat goet te noemene ende dien here, van dien hyt ghehat hebbe, eer men belene of bewise. Wil hem oec die here niet wisen, die ghene sal die wisinghe behouden ⁹) mit

[p. 130]

tekstkritische noten

ghetughe ieghen sinen heren mit sinen here, mit synre manne rechte, dat hi hem so ghevolghet hebbe also hi hem dor recht wisen sel. ¹) Ghetughet hi dit weder den overen here so ne behoeft hi ne gheens ghetughes ieghen dien here daer men hem wiset. ²) Nieman ne derf anderweide ³) goet ontfaen dat hem syn here gheliet hevet, of hyt oplaet of vercoft ende het weder ontfaet⁴), hine derve der volghe daer an ses weken ende een iaer. So welkes mannes goet die here wech liet in sinen antworde, des dat goet is, sonder des mannes rechte wedersprake, ne gheen recht ⁵) ne mach hi meer an dien goede bereden des leen et eer was.

1) ieghen sinen heer mit der mannen recht dat hy also an hem ghevolcht heeft als sy hem te recht wisen sullen C. tegen synen here mit sinen here mit synre manrecht dat hi an on soe gevolghet hebbe also hi on doer recht wisen sal O.
2) betughet hy dat ieghen den overhere soe een behoeft hy gheen ghetuych des ieghen den heer daer men an wiset C.
3) anderwegen O. anderwerf C.
4) oft die heer oplaat of vercoept ende hyt anderwerven ontfaet hy een derve die ghewere daer an ses weken ende een iaer C. ende dat oec weder ontfaet hi en derve daer volghen aen ses weken ende een jaer O.
5) ende geen recht en mach hi meer O. wech leent in des mans anwoerd des dat goet is sonder des mans rechte wedder sprake die man en mach an dat leen gheen recht meer vorderen na dien tyt al wast oec syn C.
6) gedinge en is hi niet sculdich den manne te antwordene O. heeft die heer sinen man te recht ghedaecht binnen dien ghedinghe en is hy niet schuldich te antwoerden. C.
7) verwerst mit ordel O. mit ordel gheverst ende sterft die man daer en binnen goet an C.
8) des hi an den overen heren sinnit off biddet te behaldene mit recht O. dat hy an den oversten sinnet of ghebiet te behouden mit recht C.
9) binnen dien gedinghe also is die here sculdinghe verredent, die here mocht O. binnen syn ghedinghe of deghedinghe al is des heren claghe ongheeynt die heer moch anders mit syner sculdinghe al soe langhe toeven want die man hem veriaerdet an syn goeden C.