De Saksenspiegel in Nederland

Van dorp weghe te verlien. CCXXIII. (11 § 2.)

Of die here sinen manne liet een dorpganc⁶) of wyngaerde of tiende of gherechte of dusghedanes dinghes⁷) yet of al dat hi ledich hevet an eenre stat, dien lene volghet die man ende erftet, al dervet hi der wisinghe. ⁸) In moelne ende in munte ende in wijngaerden⁹) of tienden of gherechte of in so ghedanen dinghen een man beleent wert, dien lene volghet die man ende erftet, al hebbe die here des lenes stat ende bestadet.¹⁰) Die wile sal die here den manne vervullen sinen scade. Liet oec die here daer meer wt dan hi daer hebbe inne ¹¹), die die eerre leninghe daer in hebben, die sullen hore goet ander selver stat hebben ¹²) ende die na beleent werden ende sys daer in niet hebben en moghen, die sellen dien here om hore scadinghe manen. Die manne hebbe van den heren ene halve hoeve of een goet dat vyf scillinge ghelde ¹³), sone mach hi niemans ghetuuch syn binnen leenrechte. Des verbannen mannes ende verachten mannes ende vervesten mannes tuuch mach men wel verlegghen binnen dien gherechte daer hi in ghebannen is of in achte gedaen is of

[p. 127]

tekstkritische noten

vervest is. ¹) Voerspraken ne moghen si oec niet wesen. Claghen si oec op yeman hi ne derf hem niet antworden of hi den ban of achte of vervestinghe ghetughen mach. ²) Doch moeten si antworden hier binnen allen dien, die op hem claghen.

1) des verbannen mans of die in des conincs achte syn of des vredelose mans tuuch mach men wel wedder segghen in dien gherichte daer hi in ghebannen is of daer hy in tot wtlaghe of in der achte ghebracht is C.
2) claghen sy men darf hem niet antworden C.
3) besat O. goet versaket C.
4) daer aen getugen mach. C.
5) hi allene O.
6) of die man dat betughen mach des leenes ghewere behout hy sonder meer tuuch of hy sweren wil opten heiligen alleen des men hem die ghewere mit rechter claghen niet brecken en mach C.
7) Doch en mach niemant in borchleen recht behalden sonder tuch al heet hi dat aen gewere O. doch en mach niemant an borchleen recht leen behouden dan mit ghetughe al hevet hyt in ghewere C. al hevet hi dat anghezworen A.
8) ende die heer biede syn tyns goeden met ghetughe te houden die man en helpt die ghewere niet hy en moet syn leen mit ghetughe behouden ieghen synen heer C.
9) dat moet oec bet die man doen dan die heer moet tyns behouden an des mans leen C.