De Saksenspiegel in Nederland

Van leen te missaken. CCXXIIII. (13.)

Of die here sinen manne besaecht³) goedes dat die man an sinen weren hevet ghehat ses weken ende een iaer, na dien dat hyt ontfinc, sonder des heren rechte wedersprake, of die man die rechte gheweren daer an betughen mach⁴), des lenes ghewere zweret hyt ⁵) allene op den heylighen, hi behout dat goet sonder tuuch of men mit rechter claghe die were niet ghebreken en mach. ⁶) Doch ne mach nieman in borchlene recht leen behouden sonder tuuch al hevet hi dat an gheweren. ⁷)