De Saksenspiegel in Nederland

Van goede te verlien. CCXXII. (10 § 3.)

So wanneer een here sinen man goed bewisen laet⁹), dat hi hem liet, te hant hevet hi die ghewere an den goede die des heren eer was eer hyt hem liede. So wanneer oec die here weygheret te bewisene so ghedane goet also¹⁰) hyt hem gheliet hevet, die man onderwinde hem so ghedanes goedes also hem die here gheliet hevet, so waert sinen here ledich si, sonder bewisinghe.¹¹) Hevet oec die here een dorp of ene stat besceiden daer hi hem syn goed in gheliet hevet¹²) die man ne moet niet an een ander stat varen. Behout hi dat goed, des hi hem dus

[p. 126]

tekstkritische noten

onderwint sonder bewisinghe, iaer ende dach sonder rechte wedersprake zijns heren, die here en mach niet delen. ¹) So welc goed een man an sine ghewere niet en hevet ende hem niet bewijst en is, dien ne mach hi niet volghen an enen anderen here noch erven op sinen sone ²) So welc goet men oec neemt dien manne mit ghewout³) ende hi dat vervolghet⁴) mit rechter claghe dat goet erft hi an sinen sone ende volghet hem selve an enen anderen heren al dervet hi der were of hi der claghe ghetuuch hevet. ⁵)

1) een machs hem mit recht niet benemen C. en mach niet deelen O.
2) noch erven sinen sone O.
3) mit ghewelt ende mit onrecht C.
4) voer vervolghet C.
5) al heeft hy die gheweren niet des hy der rechter claghen twch hevet C.
6) een dorp of wingaerde O. leent een dorp of wingaert. C.
7) of yet van sulken dinghen C.
8) al een ist hem niet bewiset C.
9) in molene ende munte ende in wingarden O.
10) al heeft die heer des leens oerbaer in dier stat vercoft of verhuert ende soe langhe als soe vercoft of verhuert is soe sel die heer dien man den scade verrechten C.
11) liet oec die here deer mer daer wt dan hi daer hebbe inne O.
12) behouden C.
13) of soe veel goets dat vyf schillinghe iaers waerdich is. C.