De Saksenspiegel in Nederland

Van eyghen dat versterft. CCV. (III. 80.)

Versterft een eyghen van enen buerghelde ¹) erveloes, drie hoeven of daer beneden dat hoert int sculteetdoem ²) van so wient versterft; van dertich hoeven oft daer beneden dat hoert in der greefscap, is es mere ³) dan dertich hoeven, so ist den coninghe al ledich.⁴) Laet die coninc of een ander man of here sinen dienstman of sinen eyghenen man vry, die behout vier⁵) lantseten recht. Te gaet der scepenen⁶) binnen eenre greefschap, die coninc moet wel des rikes dienstman vrylaten ende scepen daer maken dor dat men rechtes becomt ⁷) ende conincs ban daer houden moghe. Hi sel oec des rikes goedes hem te eyghene gheven ³) dat si scepenen daer an wesen moghen, hore yeweliken drie hoeven of meer.⁹) Dat goet moet hi nemen wt den goede der grefscap so waert die greve ledich hevet, dor dat der scepenen eyghen inder greefscap verstorven is.