De Saksenspiegel in Nederland

Van dienstmans erve. CCVI.

Dienstman ervet ende neemt¹⁰) erve alse vrie lude dan allene dat si buten hores heren ghewout niet en erven noch erve ne nemen. So wie syn rechte voer gherechte verlieset in ene stat hi hevet overal verloren, of mens anden gherechte ghetuuch hevet. ¹¹) Des rechters tuuch ne is oec nieman sculdich te brenghene in een ander gherechte, maer die rechte ¹²) voer dien hi rechteloes gheseghet wert, die sal twee sine boden senden voer dien rechte¹³), daer hi syn rechte verloren hevet, dat si horen of mens hem vertughen moghe ende des sellen sie dan ghetuuch syn.