De Saksenspiegel in Nederland

Van leen ende van gherechte. CLXXXIII. (II. 54.)

Leen ³) ende gherichte moet nieman hebben hi ne sy scepenbaer vri ende dat hi den coninc hulde doe na vries mannes rechte ende bi den hulden hem verpleghen⁴), so wanneer men tughes an hem tiet. Alse men den coninc kieset, so sal hi den rike hulden ⁵) doen ende zweren dat hi gherechte sterke ende onrechte crencke ende it voersta an sinen rechte, also hi cunne ende moghe. Seder ne sal hi van niemene ghenen eet doen ten si dat hem die paeus sculdighe dat hi anden rechten ghelove twivele.⁶) Daerna sal hi ghetuuch syn alle der dinghe die men an hem tiet⁷), bides rikes hulden ende sine ghelove, dien sal hi doen voer den eet daer men vrede zweret. ⁸)