De Saksenspiegel in Nederland

Van scoude ende ander dine. CLXXII. (III. 39.)

So wie scout voer enen gherechte vorderet op enen man

[p. 95]

tekstkritische noten

die hi ghelden niet en mach noch borgen setten ¹), die rechter sal hem den man antworden voer dat ghelt. Dien sal hi houden ghelike sinen inghesinde mit spise ende mit arbeide²), wil hine spannen mit eenre helden ³) dat mach hi doen, anders ne sel hine niet pinen. Laet hine of ontlopet hi hem, daer mede hine is ⁴) des gheldes niet ledich, die wile hys hemn iet vergouden en hevet ende hi dat niet volbringhen en can noch en mach. ⁵) So wien men voer gherechte sculdighet ende hem die rechter te rechter antworde biedet⁶), ne wil hi niet antworden noch mit rechte hem ontredenen dat hi yet antworden sel, so deilt men hem weddehaft⁷), also doet men tot den anderen ende tot den derden male. Ende ne antwoerde hi dan noch niet, so is hi verwonnen in der scout. ⁸) Gaet hem oec die claghe an dat lyf of an syn ghesont, dat moet die clagher selve mit hem sevenden getughen.

1) soe wie sculde vordert of wynt naer recht op enen man dies niet betalen of verborghen een mach C.
2) gezin mit spise ende mit werck in gheliken arbeit C.
3) hij mach hem oec spannen mit enen veter omdat hy niet outlopen en sal ende anders C.
4) Laettet hi on oic uit off ontlopet hi on daermede en is hi O. of hy oec ontloept hy en is daer niet mede van der schulde quyt C.
5) also langhe als hijt niet voldaen en heeft ende dat mit tughen bewisen C.
6) richter recht antworde biddet ende wil hi niet antwoerden noch mit recht on onreden dat O. soe wie men beclaecht voor recht, die rechter sel diegheen ter antword bieden, wil hy niet te antword comen als dat hy hem ontsculdighen of die gheen antword mit rechte ontsegghe C.
7) weddich O. soe wyst men hem wedde sculdich C.
8) in der claghe C.
9) So wie iet W. Soe wie betalen sel dat voer gherecht ghewonnen is, die sal betalen by der sonne die andere sel oec beiden na der son tot sijns seelfs huse C.
10) went die sonne O.
11) biet hy daer pande voer C.
12) oer geloeffte sta also O. of hoer voorwaarden die sijn alsoe C.
13) Men moet sulver wel mit boden synden diet betalen C.