De Saksenspiegel in Nederland

Van des wyfs erffenisse. CLXXI. (III. 38.)

So wat een man iaer ende dach in rechten gheweren ⁴) niet en hevet daer sal hi te hant vore antworden of men hem beclaget. Dat wyf ne sal men niet verwisen wt hores mannes goede also hi sterft, die daer kint draghet, eer sys ghenesen is. ⁵) Mosdele ende morghengave ne eerft ne gheen wyf ⁶) bi hores mannes live, sine hebse ontfanghen van hores mannes dode.⁷) Dat wyf ne erft ne gheen ghebu op horen eren erfname ⁸), dat op hare lyftocht staet, sine slitet of bi horen live ende settet op horen eyghen of op horen lene.⁹) Sterft des mannes wyf hore nichtekyn dat hore gherate ¹⁰) nemet, die sal van der rathe den man berichten ¹¹) syn bedde alset stont doen syn wyf levede, sinen dissche mit enen disch lakene, sine bancke mit enen peluwe, sinen stoel mit enen cussene.