Van des conincs recht. CLIX. (III. 26.)
Die coninc is ghemene rechter over al 1); in enen wtwendighen gherechte ne antwordet ne gheen vri scepenbaer man niemanne te campe. In den gherechte moet hi oec antwoerden daer syn hantghemael leghet binnen. 2) Hevet hi scepenen stoel daer ende is hi oec daer dincplichtich. Die des scepenes stoeles oec niet en hevet die sal des hoghen rechters dinc zoeken so waer hi woenhaft is. 3) Desen stoele ervet die vader op sinen outsten sone, of hi des sones niet en heeft so ervet hine op sinen naesten en edelsten zweertmaech.
Auteursrecht onbekend