De Saksenspiegel in Nederland

Van denselven. CXLIII. (III. 5. § 2.)

Penninghe moet hi tot den eersten wel wederbringhen dien diet ghelenet is ³), of hi syn huus weet daer die clagher ieghenwoerdich si. So welc man syn goet doet den anderen te houdene ⁴), wertet hem verstolen of afgherovet of verbrant of ist vie ende sterftet, hine derf daer ghene noet omme liden ⁵), daer hi syn rechte daer toe doen dattet sonder sine scout ⁶) ghesciet si. So wat men oec den man liet of set, dat sel hi oec onverderft wederbringhen of ghelden na synre weerde.⁷) Sterft hem of peert of vie binnen settinghe ⁸) sonder des gheens scout diet onder hevet, bewyst hi dat ende dat hi daer ⁹) syn recht toe doen, hine gheldes niet, hi hevet oec verloren syn ghelt daert hem voer stont, ten si dat hore gheloefde scout anders. ¹⁰)