Van den straten te vryen. CXXIX. (II. 59. § 3.)
Des coninghes strate sel syn also breet dat een waghen den anderen rumen moghe.8) Die ydel waghen sel rumen den gheladenen ende die ongheladen den zwaren. Die ridende sal wiken den waghene 9) ende die gaende den ridenden. Syn si oec in enen enghen weghe of op eenre brugghe of iaghet men enen ridenden of enen die te voet is 10), so sal die waghen stille staen op dat si te bet moghen vore comen. So welc waghen eerst coemt op den brugghen die sal eerst over varen. So wie eerst ter molen coemt die sal eerst malen.
Auteursrecht onbekend