De Saksenspiegel in Nederland

Van den selven ende ander dinc. CXXVII. (II. 57.)

Al si een goet menich mannes ⁸) also dat een van den anderen hebbe, so watmen op dien goede misdoet dat selmen beteren denghenen diet in ledigher weren hevet⁹) ende anders niemene. ¹⁰) Of die man ne ghenen leen erfnamen en hevet na sinen dode, so wie syn erfname is na lantrecht die sal nemen syn verdiende goet in dien lene. ¹¹) Nu vernemet ¹²) wanneert verdient¹³) si. In sint Woudborghe daghe ¹⁴) so is die lammer tiende verdient. In sint Johannes daghe alrehande vleysch tiende. In sinte Margeriten daghe alrehande tiende. ¹⁵) En den sinte Urbaeus ¹⁶) daghe syn die wyngaerde ende die boemgaerde verdient. Des mannes saet, die hi mit synre ploech werct, die is verdient ¹⁷) als die eghede daer overgaet. Ghelt van munten ende van tollen ende van wyngaerde is verdient so wanneer die tyns dach comet die hem te gheldene besceiden is. ¹⁸)