De Saksenspiegel in Nederland

Van ghewere. CXVIII. (II. 42.)

So wie claghet op enen anderen man dat hi hem nemet goet, daer hore yewelyc seghet van sonderlinghen heren, hore yewelyc sal sinen here tot dien dinge bringhen ²). So wie gheweret wert ³), die behout die ghewere ⁴), ende die niet ne coemt, die verliest, ten si dat hem beneme rechte noot, die hi bescinen mach, te vorsten ghewere mit enen man mit openen brieven bezeghelt ⁵), opdat hi mede sende sinen ingheboren dienstman diet voersta an siner stat. Segghen si hem oec dat goet toe die daer omme twien beide van enen man, voer dien sellen si comen te rechte over ses weken ende die rechter sal twe boden mit senden ende die dat horen wiet behoret of wie verliest ⁶). So wie verlieset die weddet den rechter ende ghevet den anderen sine boete.