De Saksenspiegel in Nederland

Van ordel te scelde. LXXXVI. (II. 12. § 4.)

Die boden sellen wesen scepenbaer vri ¹¹) oft in hore graefscap ghesciet. Scietet oec in eenre marke ¹²) so moghent wesen alrehande lude, so wie si syn, volcomen an horen rechte ¹³). Dien sal die rechter becostighen, broet ende biere sal hi hem ghenoech gheven ende drie gherichte ten etene ¹⁴), die des daghes tidich syn, ende enen beker wyns. Twe gherechten sal men den knechten gheven, vyf garven elken peerde onder daghe ende onder nachte, voer sal men die peerde beslaen. Ses sellen der knechte syn, achte der peerde ¹⁵), so wanneer si den coninc vernemen binnen sassesscher aert ¹⁶), so sellen si te hove varen ende daer na over ses weken dat ordel ¹⁷) weder brenghen.