De Saksenspiegel in Nederland

Wanneer men zweren sel. LXXXIIII. (II. 10. § 3.)

Binnen ghebondenen daghen ne moet nieman niet zweren dan den vrede ende oec op den man die mitter hanthaftighen ⁴) daet ghevanghen wert. So wat men anders claghet binnen ghebondenen daghen sonder ongherechte, dat moet die rechter wel rechten ⁵), so waer men oec ede lovet, die sel men leysten ⁶) ten naesten onghebondenen daghen. So wie ede loeft voer scout ende niet ne doet te rechter tyt, hi is ander scult verwonnen daer die eet voer ghelovet is ⁷) et ne si ⁸) dat hem beneme rechte noet, die men bewise; was die eet voer gherechte ghelovet, men doet den rechter ghewedden ⁹) ende den man sine boete gheven ¹⁰) dien hi den eet ghelovet hadde. Is die man ghereet sinen eet te doen die hi ghelovet heeft te rechter tyt ende ne wils die ghene niet of ne is hi daer niet daer ment doen sal ¹¹), des edes sal hi ledich syn ende die scout daer hi den eet voer lovede opdat hi des dinges ghetuuch hevet ¹²).