De Saksenspiegel in Nederland

[p. 41]

tekstkritische noten

1) gegarwet werde gaen O.
2) men laet on mit ghewedde ende boeten O. hy blyvet sonde wedde ende sonder boeten C.
3) marret O.C.
4) by den C.
5) in bereit C.
6) derden mael en compt C.
7) eyssinge O.
8) om an W. hi on voer aen gesproken heefft O.
9) on A.
10) geslegen heeft O. ghesleghen heeft C.
11) hi oec den doden mit seven mannen verwinnen O.
12) iegen den dode niet te kampe bieden C.
13) sone mach hem W. went soe een mach men on sonder camp niet verwinnen also hier voer gesetet is O.

Van denselven. LXXI. (I. 63. § 4.)

Voer den rechter sullen si beide ghegherwet gaen ¹) ende zweren die ene, dat die scout waer si, daer hine omme beclaghet hebbe. Ende die ander, dat hi ontsculdich si, dat hem God also help tot horen campe. Die sonne sel men hem ghelike delen als si eerst te zamen gaen, wert hi verwonnen die opten man spreect, men recht over hem; vecht hi zeghe men laten mit ghewedde ende mit boeten ²). Die clagher sel eerst in den werf clymmen of die ander te langhe merret ³). Die rechter sellen laten voert eysschen den ⁴) vronenbode in den huse daer hi hem in gherwet ⁵) ende sal twee scepene mede senden. Dus sal men eysschen tot den anderen male ende tot den derden. Ne coemt ⁶) hi totter derder eyssche ⁷) niet vore, die clagher sel opstaen ende bieden hem te campe ende slaen twee slaghe ende enen steke weder den wint; darmede hevet hi denghenen verwonnen so ghedaenre claghe als daer hine omme an ⁸) ghesproken hevet. Ende die rechter sal hem rechten alsof hine mit campe verwonnen hadde.