De Saksenspiegel in Nederland

Hoe die een man den anderen te campe anspreken sel. LXIX. (I. 63.)

So wie campelyc wil groeten ¹¹) enen sinen ghenoot, die bidde den rechter of hi hem onderwinden moet enen sinen vredebreker, dien hi daer siet ¹²). So wanneer hem dat mit ordele ghewiset wert ¹³), dat hi doen moet, so vraghe hi dan, hoe hys hem onderwinden sel, dat hem helpende si tot sinen rechte. So wijst men ghetoghelike in sinen hovet gaet ¹⁴). So wanneer hys hem onderwonden heeft ende mit ordel ghelaten heeft, so sel hi hem condighen waer omme hi syns onderwonden heeft. Dat mach hi doen te hant of hi wil of een beraet daer omme

[p. 39]

tekstkritische noten

hebben. Dan moet hi en sculdighen dat hi den vrede an hem ghebroken heeft op des conincs strate of in den dorpe, te welker wys hine ghebroken hebbe ¹) tot dier selver wys claghe hi op hem ²). So sculdighe hine oec, dat hi en ghewont hebbe ende die noot an ³) hem ghedaen hebbe, die hi wel bewisen moghe. So sal hi wisen die wonden of die liclaeuwen ⁴), syn die wonden heel. So claghe hi voert dat hine berovet hebbe sines goedes ende hem ghenomen hebbe des also vele alse wel campes weerdich si ⁵). Dese III onrechte sel hi te male claghen ⁶). So welc hi verzwighet hi hevet sinen camp verloren; dan spreke hi voert: daer sach ic hem selven ende bescreydene mitten gheruchte ⁷), wil hi des versaken, ic wilt op hem bereden mit alle dien rechte dat mi dat lantrecht ⁸) toe deelt of die scepene oft onder coninghes banne. So bidde die ghene eenre ghewere, die sal men hem doen ⁹). Doch moet die man sine claghe wel beteren voer der ghewere. So wanneer die ghewere ¹⁰) ghedaen is, so biet die ghene syn onscout. Dat is een eet ende een recht camp of hine niet te recht ghegroet en hevet ende oft daer is, ic mene of hyt voer lemesle ¹¹) volbringhen mach.

1) hi den te braken hebbe O.
2) of waer hyne ghebroken hebbe zoe sal hy on beclaghen C.
3) of al sulke noet C.
4) litteyken C. lycla wen O.
5) berovet heb des also veel dat wael campes wert is O.
6) tenens daghes C.
7) bescreiden on mit den gerucht O.
8) lantvolc toedeelt W.O.
9) die ander oerlof zyn weer te doen, dat sal men hem gheven doch moet die man voer die weer syn claghe wel verbetteren C.
10) die gheweer dan C.
11) kamp of hyt mit leemten C. leemuesele W. lemeslen O.
12) geboren is, ende die ghene die wers gheboren is, die en can den bet gheboren niet verleggen mitter beter boerte W. geboren is, die en kan den bet geboren niet verleggen mitter betere gebuerte of hi on ansprict O. spreket die bet gheboren an enen die wers gheboren is, die bet gheboren een mach des ghenes camps niet verlegghen mit sinen bet gheboert C.
13) campes mach men weygeren of men anspricht na middage O. of men enen na middaghe an spreecht C.