De Saksenspiegel in Nederland

Van die rechter rechte. LXI. (I. 55.)

Al weerlike gherechte hevet beghin van core ²). Daerom mach ne gheen stat man rechter syn ³), hi en si gheboren of beleent rechter. Beieghenet oec hem een hanthaft daet van diefte of van rove ⁴) daer die man mede begrepen wert, daer moet men wel omme kiesen enen gogreven ⁵) te minnest ⁶) van drien dorpen, dien ghenen daer te rechtene, of si des beleenden rechters niet hebben ⁷) en moghen. An gogreefscap en is mit rechte ne gheen leen noch ne ghene volghe ⁸) want et is der lantlude vrie core, dat si gogreven kiesen tot yeweliken gan ⁹) dat of tot besceydenre tyt. Ne wert die rover of die dief binnen daghe of binnen die nacht ¹⁰) niet verwonnen sone hevet die gogreve en gheen recht daeran, so salt rechten die beleende rechter.