Van den selven. LIX. (I. 53. § 2.)
Spreect die man goet an ende claghet hi daer op ende wert hi daer mit rechte afghewiset, hi blyft des sonder boete ende sonder wedde, die wile 2) hijs hem niet en onderwint. So wie ghewedde ende boete niet en gheeft te rechten daghe, die vronebode mach hem daer voer panden ende mach thant wt setten ende vercopen voer die scout. Die vronebode ne mach oec niet panden hi ne werde mit ordele daertoe ghewonnen 3). Nieman en weddet om ene zake twewerf hi ne breke den vrede ende sculde bannes an eenre daet. Die moet te gheesteliken ende te weerliken rechte ende ghemene boete den ghenen 4) die hi gheserighet heeft 5).
Auteursrecht onbekend