De Saksenspiegel in Nederland

Dat wif en mach gheen goet wech gheven ieghen hoers erfnamen wil. XXXII. (I. 31. § 2.)

So wanneer een man wyf neemt so neemt hi an syn gheware al hore goet ³) te rechter voermontscap. Daer omme en mach gheen wyf horen manne enighe gave gheven an horen eyghene noch an varender have, daer si horen rechten erfname mede verre ⁴) na haren dode, want die man en can an syns wyfs goet en gheen ander were ghewinnen dan al sulke alse hi totten ersten mit hore ontfinc an voermontscap ⁵). Gheen wyf en mach te eyghene oec behouden hore lyftocht noch hore erfname na haren dode die wile dat men betughen mach dat hore tot horen live ⁶) ghegheven is. Sprect si dattet hoer eyghen si ⁷) ende wert si daer af ghewiset mit rechte, si hevet beide, eyghen ende lyftocht, daer an verloren.