Van des Zwaven erffenisse. XVIII. (I. 19.)
Die zwaf neemt wel herwade ende erve boven die sevende sibbe 12) verre op, dat hi bewisen mach dat hem die man van zweerth siden 13) toe gheboren is, of also verre alse hi ghetughen mach, dat een syn voervader desgheens voervaderren of desgheens voervader sines voervaderen 14) heerwade ghevordert hebben voer gherechte of ghenomen. Die zwaven bescelden 15) wel ordel onder hem selven binnen zwavesschen aert ende tien des an den ouderen 16) zwab, ende dien moeten si benoemen 17), ende an die meerre menie te rechten dinghe ende ter hoechster dincstat. Swavesch recht en tiet van zassesschen rechte 18) niet dan van erve te nemen ende ordel te scelden.
Auteursrecht onbekend