Van den vronen bode te kiesene. VI. (I. 2. § 3.)
Die plichaften sijn oec plichtich des sculteten 4) dinc te zoekene over ses weken van horen eyghenen. Onder deen moet men wel kiesen enen vronenboden oft die vronebode stervet; die lantseten, die nergent eyghen inden lande en hebben, die sellen soeken hores gogreven dinc 5) over ses weken. Daer ende in yeweliker voghedyen sal die burmeyster vraghen dat recht 6) ende des mensschen bloedende wonden ende alle ongherechte dat in hals of in lyf of in hant gaet of mit claghe voer gherechte niet begrepen en is. Anders en derf hi niet veerre wroeghen. Van vryheit hebbe ic allene gheseit dor dat 7) niet meer vry en was doemen rechte sette ende onse vorderen hier te lande quamen.
Auteursrecht onbekend