De Saksenspiegel in Nederland

[p. 1]

tekstkritische noten

1) Tekst van C. Een opschrift komt in geen der handschriften voor. In O ontbreekt de geheele praefatio rythmica.
2) der B.
3) clene B.
4) meerret B.

(Tekst)

(A)

God hadde die zassen wel bedacht,
Sint dit boec in duutsche is ghebracht
Den luden algemeine;
Doch is die ²) herde clene,
Die Gode so eren
Dat si horen vlyt an Gode keren.
Een cleyne ³) werret mi dar an,
Des ic ghebetren niet en can,
Dat is oft een verlerer leret.
Ende hi evel daer an meerred ⁴),
Die dede grote zonde
Want menich, of hyt conde,
Gheerne scade dade.
Wie gheerne ic Gode bade
Dat dit boec conde elc goet man,
Onrechten luden ics niet en gan.

(C)

¹) God hevet die sassen wel bedacht,
Sint dat dit boec in dietsch is ghebracht
Den luden al ghemeyn.
Doch is der harde cleyn,
Die Goede al soe eren,
Dat sy haer sijn an Goede keren.
Een luttel warnet my daer an,
Des ic niet ghebeteren kan,
Of diet den bosen leret
Dat quaetheit daer van meret
Ende doet groote sonde.
Want menighe, of hi conde,
Gaerne den lude schade an dede.
Hoe gaerne ic Gode bede,
Dat dit boeck conde elck goet man,
Onrechten luden icx niet en gan.