Roeping. Jaargang 1

[p. 268]

Dit is et wónder.
(In Hoensbroeks dialekt)

Dit is et wónder
woe ich
jaore óm gebaeëd¹⁾ höb:
noe²⁾ sjtónd de ras en de rou³⁾
òm mie laeëve te blöje,
es wie 'ne roeëzesjtroek⁴⁾
óm 'n awd hoes.
Zoeë keul⁵⁾ wie sjnieëvlokk'
en zoeë lies⁶⁾
is in mien zieël
geriezeld⁷⁾
de ruiïge gedanke.⁸⁾

Wie 't wónder geroesj in ein zieësjelp,
zach, die vaeëre-gewinj⁹⁾
en ruzel van de blaar, -
wie baoëve op de huëvele
gewispel
van de baeëk in de baeënde,¹⁰⁾
en langsj 'ne kirkebaoëg¹¹⁾
dr léste zoef va koraal:
zoeë huër ich de welt....

Dit is et wónder,
dit is et gebinnedèjde wónder.
En mien zieël buigt zich dr' uëver
Wie ingele uëver 'ne reliekwie.

Oirschot, Junie '23.

W.P.

1) gebeden;

2) nu;

3) kalme rust;

4) rozestruik;

5) koel;

6) leise, zachtjes;

7) geruiseld;

8) rustige gedachte;

9) vere-gewuif;

10) beek; beemden;

11) kerkgewelf.