Roeping. Jaargang 1

[p. 211]

[W. Poulssen]

Käoëldesj-gebed¹⁾
(In Hoensbroeks dialekt.)

Es ich sjterve
Hergod mót,
da laoët
mit baoëve mich
dr daver van dien zón
mich sjterve
God,
en neet:
laoët ónge²⁾
sjterve mich,
es ich sjterve
Hergod mót,
mae baoëve,
woe mien zieël,
mien käoëldesjzieël,
ka klettere³⁾
langsj sjtraoële van dien zón
vüërbie de zón en al de sjtarre,
raegelrech
nao Hergod, tich,
es ich sjterve
Hergod mót!
Neet ónge, Hergod,
óngen in,
laot
sjterve Hergod mich:
dao zou mien zieël,
mien käoëldesjzieël,
die auch subtiel en fien is
wie de béste boaëve,
zich vervieëre⁴⁾ vuër
de hakkesjlaeëg,⁵⁾
dr hoemel van de sjuuët⁶⁾
en 't berregkrake....⁷⁾
Mae mieë⁸⁾ nog
Hergod, vuër de vleuk,
die sjrikkelicker⁹⁾ krake es
et krake van dr berreg,
de sjlaeëg

1) Mijnwerkersgebed;

2) onder;

3) klimmen;

4) schrikken;

5) houweelslagen;

6) donder van de schoten:

7) kraken van 't gesteente;

8) meer;

9) vreseliker;

[p. 212]

 

en dienamietsjuuët

 

en beventaere¹⁰⁾

 

zou z'

 

es ich sjterve

 

óngen in mót,

 

Hergod,

 

sjwaeëve¹¹⁾ mótt' en

 

sjwerve

 

hot en haar

 

bis ze dr daag vóng en 't leech.¹²⁾

 

Daoróm:

 

es ich sjterve

 

Hergod mót,

 

da laoët

 

mit baoëve mich

 

dr daver van dien zon

 

mich sjterve.

Oirschot, April '23.

W.P.

(Uitspraak: ao, duidt aan 'n wijde o klank, ongeveer als in Eng. Lord; ae, wijde è klank als in Frans terre; äo, de umlaut van ao, ongeveer tussen Ned. ui en Duits eu; ë, achter alle klinkers 'n afzonderlike lettergreep ongeveer als de e in Ned. vogel; dus üë = uu + e; enz.)

10) bevend;

11) zweven;

12) tot ze de dag zou krijgen en 't licht. (de uitg.-taere vormt tegenw. deelw.)

[p. 213]

De zón verzinkt
(In Hoensbroeks dialekt.)

Vuër dat dr heëmel
verzinke geit,
bringhe de welt ziene sjoeënste groes¹⁾
en gedinksjtök²⁾:
Goud, dat dr ganse daag
te vlamme haat gehange,
miesjte³⁾ mit kralletige zilversjoêm⁴⁾
en kaoëkend koeëper⁵⁾;
mit dampende solferbräoëzel⁶⁾
en sjnieëwitte vlokke gesjmóltje iezer.
Dao sjprietsjte⁷⁾
sjtraeëpentaere⁸⁾
sjtraole va
en sjtriepe
doeër gen lóch,
bis gans de hieëmelfondamente
beventaere in de vlamme hang'
en voertverzinke.⁹⁾
Da deit¹⁰⁾
de welt
de auge toe
en geit¹¹⁾
't wónder bebaeë.¹²⁾

Oirschot, Febr. '23.

W.P.

1) mooiste groet;

2) gedachtenis (gedenkstuk);

3) mengt ie;

4) krallend zilverschuim;

5) koper;

6) kokend zwavelmengsel;

7) spat ie;

8) strepend;

9) wegzinken;

10) doet;

11) gaat;

12) bebidden.