Reis van Jan van Mandeville
(1998)–Anoniem Reis van Jan van Mandeville–
Auteursrechtelijk beschermd
[Folio 153va]
| |
Ende onder dese stede staet een ander stat, die herde groot is ende heet picam. Die liede van deser stat en pinen noch en winnen gheen lant, want si en eten niet, nochtan sijnse van scoonre verwen ende van sconen maecsele na haerre grootheit, want si sijn cleyne als nanen, mar niet also cleyne als die pigmoene. Ende si leuen bi den roke van appelen ende al si erghent verre vten lande trecken, si draghen mit him van dien wilden appelen, want roken si enighe quade roke ende hadden si niet van desen appelen, si souden staphants steruen. Dese liede en sijn niet van groter verstandenisse, mar herde simpele ende beestachtich. Daer na is noch een ander stat, daer die | |
[Folio 153vb]
| |
liede sijn al ru zonder int aensichte ende in die palme. Dese liede gaen alse wel op die zee, alse opt lant ende eten vleysch ende visch al raeu. Jn dit lant loopt een riuiere, die is wel ij milen ende een halue breet, diemen heet debuemar. |
|