Reinaerts historie (Reinaert II)

(1998)–Anoniem Reinaerts historie (Reinaert II)– rechtenstatus


Reinaerts historie, 3001-4000 Dus bereide hi hem myt groter list Die coninc sprac my is wel leet Reynaert by god diet weet Dat gi dus zeer haestich zijt 3005[regelnummer] Neen heer het is groot tijt Men en sel geen weldaet sparen Geeft my oorloff ic wil varen Die coninc sprac hebt goods oorlooff Doe geboot hi ouer al dat hoff 3010[regelnummer] Dat sy myt reynaert wt soude gaen Sonder die dair waren geuaen Jsegrim ende brwn die beer Sy waren gewont also zeer
[Folio 49r]
Dat sy wenschten om den doot 3015[regelnummer] Ten heeft nyement rou so groot Off en mach so droeuich sijn Had hi reynaert den pelgrijm Ghesien hoe vromelic dat hi ghinck Ende hoe gevensdelic dat hem hinck 3020[regelnummer] Scerp ende palster om den hals Ende sijn scoen als end als Die hi droech aen sijn voeten Hy had lachen moeten Nochtan liet hem des genoech 3025[regelnummer] Jn sijn hert hi sere loech Dat si alle myt hem gyngen Mit so groter zamenyngen Die hem te voren waren zeer wreet Ende hi den coninc die had so leet 3030[regelnummer] So wel had gebrocht te dwaze Het was een pelgryn van deusaze. HEer coninc sprac hi nv keert weder Door hooch noch door neder En wil ic dat gi vorder gaet 3035[regelnummer] Jc ducht dattet v sel wesen quaet Ghi hebt geuangen twee mordenaren Geualtet dat sy v ontvaren Ghi sout v voort moeten wachten zeer Dan gi te voren deed ende meer 3040[regelnummer] Blijft gesont ende laet my gaen Ende mitter tael ghinc hi staen Op sijn achterste twee voeten Ende maende hem allen groot ende cleyn myt moeten Dat sy alle voor hem baden 3045[regelnummer] Off sy aen sijn weldaden Rechte deylinge hebben wouden Sy seiden alle dat sy souden
[Folio 49v]
Sijns gedencken in haren gebede Nv hoort wat reynaert dede 3050[regelnummer] Dair hi vanden coninc schiet Hoe droeffelic dat hi hem geliet So dattet haerre zom ontfermde Op kuwert den haze hi karmde Owi kuwert sellen wi nv sceiden 3055[regelnummer] Oft god wil gi selt my geleiden Ende bellijn mijn vrient den ram Ghi twee en maket my niet gram Ghi twee gi moet my wel voort brengen Ghi zijt van sueter wandelingen 3060[regelnummer] Onberoepen ende goedertieren Ende onbeclaecht van allen dieren Geestelic ende van goede zede Ghi leeft beyde als ic dede Doe ic clusenaer was 3065[regelnummer] Heb di louer ende gras Ghi en geeft niet meer om uwen eysch Noch om broot noch om vleysch Noch om sonderlinge spise Mit dusdanigen geprise 3070[regelnummer] Heeft reynaert dese twee verdoort Dat si myt hem gingen voort Tot dat sy quamen voor sijn huus Aen dat casteel van maperthuus ALs reynaert voor die poort quam 3075[regelnummer] Sprac hi neue bellijn den ram Ghi moet alhier buten staen Jc moet in mijn gaen Kuwaert sel in gaen myt my Bids hem bellijn ende oec dat hy 3080[regelnummer] Wil troosten mijn wijff ermelijn Mit haren kijnderen ende die mijn
[Folio 50r]
Als ic aen haer geen oorlof bat Bellijn sprac ic bid hem dat Dat hise vmmer troost doch wael 3085[regelnummer] Ende reynaert myt schoenre tael Mit smeken ende myt flatteren So dat hi tot synen oneren Jn sijn hol leyde kuweerd Dair vonden sy leggen op die eerd 3090[regelnummer] Vrou ermelijn by haren iongen Die zorge hadse zeer gedwongen Ende dien anxt van reynaerts doot Mer nv so was hair bliscap groot Doe sy hem sach also in comen 3095[regelnummer] Mer als sy heeft die serpe vernomen En die palster ende die scoen Dochter haer een vreemt doen Ende sprac lieue reynaert segget my Hoe is v vergaen die vaert 3100[regelnummer] Jc was sprac hi in thoff geuaen Mer die coninc liet my gaen Jc moet warden pelgrym Ende brwn ende ysegrym Sijn borge geworden voor my 3105[regelnummer] Die koninc heeft danck heb hy Kuwert gegeuen in rechter soen Onse wil dair mede te doen Die coninc gelidet seluer dass Dat kuwart die eerste wass 3110[regelnummer] Die ons verriet tegen hem Ende bider trouwen die ic v ben Sculdich bin vrou ermelijn Kuwaert genaecte nv grote pijn Jc bin op hem recht gram 3115[regelnummer] Als kuwaert die tael vernam
[Folio 50v]
Was hi verueert ende wilde vlien Mer ten mocht hem niet geschien Want reynaert heeft hem ondergaen Die poort ende greep hem zaen 3120[regelnummer] Bider kelen mordelike Doe riep hi herde vreeselike Help bellijn wair si di Dese pelgrim moort my Mer dat roepen was cort gedaen 3125[regelnummer] Want reynaert die hadden saen Sijn keel ontwe gebeten Doe sprac hi nv ga wi eten Desen goeden vetten haze Die ionge welpen liepen te aze 3130[regelnummer] Ende gingen eten al gemene Haer feest en was niet clene Want kuwart had een vet lijff Ermelijn reynaerts wijff Al dat vleisch ende bloet 3135[regelnummer] Den coninc bad sy dicke goet Dat hise so wel had verhuecht Reynaert sprac eet dat gi muecht Hy sels genoech voor ons betalen Hy en geert niet bet dan wijt halen 3140[regelnummer] HJ sprac reynaert gi spot ic waen Doet my die wairheit verstaen Hoe gi van daen gecomen zijt Vrou ic heb gehuuft den coninc myt vlijt Ende sijn wijff die coninghinne 3145[regelnummer] So dattie vrientscap is zeer dynne Tusschen ons dat weet ic wel End noch crancker wesen sel Als hi van als wet dat waer Hy sel my haestelic volgen naer
[Folio 51r]
3150[regelnummer] Ende sel my hangen kan hi my krigen Dair om wil ic van hier gaen vigen Jn een schoon ander foreest Dair mogen wi wesen ongeureest Seuen iaer ende meer nochtan 3155[regelnummer] Eer men ons dair vijnden can Dair is planteit van goeder spisen Dair sijn snyppen ende patrysen Ende veel ander vogelwilt Vrou op dat gi myt wilt 3160[regelnummer] Jc wil myt v bestaen die vaert Dair sijn fonteyn van zueter aert Ende lopende beken schoen en claer Deus wat zueter lucht is daer Wy hebben dair gemaec en vrede 3165[regelnummer] Ende leuen in groter weellichede Want die coninc liet my op dat Gaen. dat ic hem enen scat Wijsde al gynder op kryeken pit Mer hi en vijnter dat noch dit 3170[regelnummer] Al zocht dair oec vmmermeer Dit selhem toornen alte zeer Als hi hem dus vijnt bedrogen Wat waendi hoe mennige scoon logen Brocht ic voort eer ic ontginck 3175[regelnummer] Het was nau dat hi my niet en hynck Jc en leet nye meerre noot Noch en creech ic anxt so groot Als ic dair voor mijn ogen zach Het verga my hoe dat mach 3180[regelnummer] Jc en laet my niet meer dair toe raden Te comen in des conincs genaden Jc heb mijn dwm wt synen mont Danck hebben mijn subtilen vont.
[Folio 51v]
IC en rade ons niet sprac ermelijn 3185[regelnummer] Te varen in een ander woestijn Dair wi ellendich ende vreemde weren Wy hebben hier al ons begeren Ende gi zijt meyster uwer gebueren Wair om woud dijt dan auentueren 3190[regelnummer] Ende nement quaet ende latent goed Wy mogen hier leuen in sekerre hoed Onse borch is goet ende vast Al woud ons die coninc doen ouerlast Ende hi ons myt machte bezaet 3195[regelnummer] Hier sijn so veel zidel gaet Dat wi wel te tide ontrumen Wy en mogen myt bliuen niet versvmen Wy weten die wege ouer al Eer hi ons dan vangen sal 3200[regelnummer] Mit crachten. dair sel veel toe horen Mer dat gi hem hebt gesworen Dat gi selt varen ouer zee Ende dair te bliuen vmmer mee Dats dair ic my aen stoot meest 3205[regelnummer] Neen vrou zijt dair om niet beureest So meer gesworen so meer gelogen Js my dic gecomen voor dogen Jc rade dair ic my mede beriet Dat bedwongen ede en duden niet 3210[regelnummer] Al voldeed ic dese vaert Ten bate niet eenre catten staert Jc wil hier bliuen nv gijt my raet Jc mochtet wel vijnden also quaet Dair ic quame als ict heb hier 3215[regelnummer] Wil my in verdriet die coninc fier Brengen. des wilic altemael wachten Al is hi my te sterck van crachten
[Folio 52r]
Nochtan waen ic hem wel te vercloeken Hi en selt hier so quaet niet zoeken 3220[regelnummer] Hy en selt dair noch quader vijnden Wil ic mynen sack ontbijnden NV balch hem zeer bellijn die ram Dat kuwaert sijn gesel niet en quam Ende in dat hol so lange merrde 3225[regelnummer] Hy riep lude als die hem errde En seide kuwaert laet den duuel wouden Hoe lange sel v reynaert houden Haest v hier wt ende laet ons gaen Als reynaert dit heeft verstaen 3230[regelnummer] So gynck wt tot bellijn Ende sprac hem al stillekijn Ay lieue bellijn wair om bellich di V. al sprac kuwaert tegen my Ende tegens sijnre lieuer moeyen 3235[regelnummer] Dat en sel v billix niet vernoeyen Kuwaert dede my verstaen Ghi mocht wel zachte voren gaen Op dat gi hier niet langer en wilt sijn Hy moet hier bliuen een luttelkijn 3240[regelnummer] By sijnre moeyen vrou ermelijn Ende by haren welpekijn Die zeer screyen ende misbaren Om dat ic hem sel ontvaren Doe sprac bellijn nv segget my 3245[regelnummer] Heer reynaert wat heb dy Kuwaert so lede gedaen Want heb ic te recht verstaen So riep hi lude helpt my Reynaert sprac wat seg dy 3250[regelnummer] Bellijn gi moet v beraden Jc zegge v wat wi doe daden
[Folio 52v]
Doe ic int huus gegaen quam Ende armelijn aen my vernam Dat ic woude varen ouer zee 3255[regelnummer] Dat hert wart hair doe so wee Dat sy lange beswijmt lach Ende als kuwaert dat zach Riep hi bellijn heelt vry Coomt hier ende helpt my 3260[regelnummer] Mijn moeye lauen sy is in onmacht Dit riep hi myt felre cracht Do sprac die ram die niet was fel En trouwen ic verstont oec wel Dat kuwaert dreef groot misbaer 3265[regelnummer] Jc waende wel dat anders waer Reynaert sprac neent niet Jc had lieuer misquaem hem yet Dat mynen kijnderen ende mynen wiue Dan mynen neue kuwerts liue. 3270[regelnummer] REynaert sprac bellijn huecht v niet Dat my die coninc gisteren hiet Voor herde veel sijnre lieden Eer ic wtten lande scieden Dat ic hem een paer brieue screue 3275[regelnummer] Seldise hem dragen lieue neue Sy sijn gescreuen ende al gereet Bellijn sprac reynaert ic en weet Wist ic wel dat v gedichte Goet wair gi mocht my lichte 3280[regelnummer] Gebieden dat ic den coninc Droege had ick enich dinck Dair ict in mochte steken Reynaert sprac v en sel niet gebreken Jn te doen eer si hier bleuen 3285[regelnummer] Jc soude v eer die scerpe geuen
[Folio 53r]
Heer bellijn die ic selue drage Ende hangense al aen v crage Des conincs brieue al dair in Ghi selt dair off hebben groot gewyn 3290[regelnummer] Des conincs danck ende groot eer Ghi selt den coninc mynen heer Herde wellecoom sijn Op desen troost loofde bellijn Dat hi die brieue dragen soude 3295[regelnummer] Doe keerde reynaert als die boude Weder in sijn hagedochte Ende nam die scerpe die hi brochte Bellijn dair had hi in gesteken Kuwarts hooft bi valschen treken 3300[regelnummer] Dien hi had gebeten doot Om bellijn te brengen in meerre noot Ende hencse hem vast aen synen hals Ende beual hem als ende als Dat hi niet die brieue en zoude 3305[regelnummer] Niet besien off hijt gern woude Tot des conincs vrientscap soude naken Ende wildi dat bouen alle saken Die coninc v sel hebben lieff So segget dat gi self den brieff 3310[regelnummer] Gedicht hebt ende oec gescreuen Ende den raet dair toe gegeuen Ghi selt des hebben groten danck Bellijn wart blide ende spranck Vander steden dair hi stoet 3315[regelnummer] Hoger dan anderhaluen voet Ende sprac reynaert neue ende heer Nv weet ic dat gi my doet eer Jc sel hebben groot loff By v als men in dat hoff
[Folio 53v]
3320[regelnummer] Siet dat ic dus wel dichten can Jn sconen woorden ende in slichten Al ist dat ics niet en can Men seit dic dat mennich man Eer is gesciet want hem god goste 3325[regelnummer] Van saken die hi selue niet en woste So sel my aen deser vaert Nv wat radi lieue reynaert Sel kuwaert mede te houe gaen Neen hi sprac reynaert hi sel v zaen 3330[regelnummer] Volgen bi desen pade Hy en heefts nv geen groot scade NV gaet voren myt gemaeck Jc sel kuwert sulken zaeck Ondecken die noch sijn verholen 3335[regelnummer] Reynaert so blijft gode beuolen Sprac bellijn. ende ghinc te houe waert Ende haeste so seer van reynaert Mit lopen. dat hi voor middach Quam dair hi den coninc sach 3340[regelnummer] Jn sijn hooff myt sijn baroen Die coninc wonderde vanden doen Dat hi die scerpe weder brochte Dair brwn die beer so onsochte Te voren om was gedaen 3345[regelnummer] Die coninc sprac tot bellijn saen Segt ons bellijn waen coom dy Wair is reynaert hoe coomt dat hi Die scerp myt hem niet en draecht Bellijn sprac ic maecht 3350[regelnummer] Seggen als ic best can ende weet Doe reynaert al was bereet Ende hi henen sceiden soude Vraechde hi my off ic woude
[Folio 54r]
Twee brieue brengen door v lieue 3355[regelnummer] Jc seide meer dan negen brieue Soudic dragen door v eer Doe brocht hi my gedragen heer Die scerpe dair dese brieue in sijn Die sijn mitter konsten mijn 3360[regelnummer] Beide gedicht ende oec gescreuen Ende heb dair den raet off gegeuen Het vergaet myt my hoet mach vergaen Jc waen men selden heeft verstaen Brieue lesen bet gedicht 3365[regelnummer] Die coninc dede comen te richt Voor hem koekaert synen clerck Dat was sijn ambocht ende werck Dat hi die brieff te houe lass Die men dair seynde want hi was 3370[regelnummer] Subtijl ende verstont veel spraken Tybaert ende hi die traken Die scerpe vanden halss bellijn Die hier doe bider domheit sijn Heeft gesproken also verre 3375[regelnummer] Dat hijs licht mach warden erre DJe scerpe ondede kockaert die clerc Doe most bliken reynaerts werc Als dat hi thooft dair wt track Doe hijt zach wel staende hi sprack 3380[regelnummer] Helpe wat brieue sijn dit Heer coninc by mijnre wit Dit is dat hooft van kuwaert Och arme dat ic ye reynaert Gelouen soude also verre 3385[regelnummer] Doe moecht men zien droeff ende erre Die coninc en die coninghinne Die coninc stont in droeuen synne
[Folio 54v]
Ende sloech sijn hooft neder Ouerlanck hielt hy op weder 3390[regelnummer] Ende begonde te werpen wt Een dat vreesselixste geluut Dat ye van dieren gehoort wart Alle dieren worden veruaert Doe spranc voort her fyrapeel 3395[regelnummer] Die lupaert hi was hi was een deel Des conincs mach hi dorst wel doen Gadi nv aen heer coninc een ongewoen Heer lyon hoe drijfdi dees ongenoech Ghi mysbaert v sonder gevoech 3400[regelnummer] Al die coninghinne doot Laet varen desen rouwe groot Ende grijp een moed het is groot scand Si di niet heer van alden land Jst niet onder v al dat hier is 3405[regelnummer] Heer fyrapeel wat mach ic dies Dat ic my dus myslaet Hy heeft myt sinen losen beraet Een quaet scalc so veer gebrocht Dat hy mijn vriende heeft verwrocht 3410[regelnummer] Den stoutste brwn ende ysegrijm Dat rouwet my in therte mijn Het sel my aen mijn eer gaen Dat ic so vele hebbe mysdaen Tegen mijn beste baroene 3415[regelnummer] Ende ic den quaden hoeren sone Also ver soude betrouwen Mer het quam toe by mijnre vrouwen Sy bat dair my so zere voren Dat ic hair bede moste horen 3420[regelnummer] Dats my leet al ist te spade Wats dan heer coninc warts anders te rade
[Folio 55r]
Js dair mysdaen men salt soenen Men sel den wolff ende brwn doen comen Ende vrou eerswijnde also wel 3425[regelnummer] Ouer schoeyn ende ouer vel Ende ouer toorn ende ouer pijn Gheuen den ram bellijn Want hijt selue lijt al bloot Dat hy raet gaff tot kuwaerts doot 3430[regelnummer] Hy heeft mysdaen hi selt becopen Dair na sellen wi alle lopen Na reynaert ende sellen vangen Ende by sijnre kelen hangen Sonder vonnisse ende sonder recht 3435[regelnummer] Hier mede so wart alle dinge slecht. DJt doe ic gern sprac die coninck Fyrapeel die lupart ghinck Dair hi die geuangen vant Jc waen hi eerst ontbant 3440[regelnummer] Dair na sprac hi gi heren beide Jc breng v een vast geleide Ende mijns heren vrientscap nv Hem is leet dat hi tegens v Yet heeft mysproken of mysdaen 3445[regelnummer] Ende dair voor seldi ontfaen Schoon scoen ende so wi is gram Hi sel v geuen bellijn den ram Ende dair toe alle sine mage Van nv tot aen den doemsdage 3450[regelnummer] Jst int wout off op dat velt So wair dat gi se vijnden selt Dat gi se verbijt ende et Die coninc geeft v dair toe met Dat gi sonder enige mysdaet 3455[regelnummer] Reynaert toorn doet ende quaet
[Folio 55v]
Ende oec alle sijn magen So wair gise cont beiagen Dese schoon vriheden Wil v die coninc geuen heden 3460[regelnummer] Van hem te houden ewelijck Ende hier bi so wil die coninc rijck Dat ghi hem sweert vaste hulde Hy en wil oec bi sijnre hulde Tiegen v mysdoen vmmer meer 3465[regelnummer] Dit moechdi myt groter eer Neemt dit ic raet v wel te doen Aldus was gemaect die soen By fyrapeel den lupaert Dat moste bellijns tabbaert 3470[regelnummer] Costen ende sijn crage Want noch huden ysegryms mage Die vete ende die nijt myt crachte Op bellijn ende al sijn geslachte Sy verbitense dair si connen 3475[regelnummer] Die vete was cort begonnen Want mense nye gesoenen en conde Die coninc dede op die stonde Twaleff dage verlenge sijn hoff Om dair mede eer ende loff 3480[regelnummer] Brwn ende ysegrim te doen Zeer blide was hi van deser zoen TOt desen houe quam mennich dier Want die coninc deed dair ende hier Ouer al te weten dese feest 3485[regelnummer] Dair was bliscap alre meest Die ye wart gesien van dieren Men danste den hofdans bi manieren Mit trompen ende myt scalmeyen Die coninc had so veel doen reyen
[Folio 56r]
3490[regelnummer] Dat ellic vol op ende genoech vant Want dair en was in al sijn lant Geen so cleynen dier ten was aldair Ende oec van vogelen mennich paer Ja al dat sijnre vrientscap geerde 3495[regelnummer] Sonder die felle vos reyneerde Die rode scalke pelger Die al op die hoede sijn En docht hi most dair scuwen den ganck Die spise vloyde ende die dranck 3500[regelnummer] Men sprac dair sproken ende stampien Dat hoff was al vol melodien Het mocht een lusten die sulken hoff sage Ende recht doet leden was acht dage Opten myddach off later een deel 3505[regelnummer] Quam dat conijn her lapeel Voor des conincs tafel dair hi zat Mit synen heren dranck ende at Ende myt synen wiue die coninghinne Ende hi sprac myt enen droeuen synne 3510[regelnummer] Heer coninc ende al die hier sijn Ontfermt v der clagen mijn Jc waen men selden heeft gehoort Quader verraet ende arger moort Dan reynaert aen my heeft gedaen 3515[regelnummer] Gisteren morgen quam ic gaen By sijnre feest te maperthuus Dat sat hi buten voor sijn huus Recht als een pelgrim gedaen Jc waende myt vreden verbi hem gaen 3520[regelnummer] Ende hier tot uwen houe te comen Recht doe hi my had vernomen Recht hi hem op syne voete Ende quam my tegen te gemoete
[Folio 56v]
Al lesende sijn gebede 3525[regelnummer] My docht recht aen sijn zede Off hi al goet tot my woude Ende recht als ic hem liden soude Jn enen smalen nauwen pat Groet ic hem hi en sprac dit noch dat 3530[regelnummer] Mer hi tooch wt een ruge want Die hi droech aen sijn rechter hant Hi duwede sijn claeuwen tusschen mijn oren Dat ic waende in my hebben verloren Mer des so weet ic gode danck 3535[regelnummer] Jc was so licht dat ic ontspranck Wt synen poten ende ic ontquam. Hy grymde seer als die was gram Om dat hy my niet houden en mocht Doch hoe lichtelic ic wech rocht 3540[regelnummer] Jc most dair mijn een oor laten Ende in mijn hooft vier grote gaten Van synen nagelen scerp ende lanck So dat my tbloet zeer licht wt spranck Ende ic welna in ommacht vel 3545[regelnummer] Mer die anxt maecte my so snel Die ic had vander doot Dat ic altemael onscoot Ende maecte my wt sijn beryde Siet hier noch die wonden wyde 3550[regelnummer] Die hi my mitten claeuwen sloech Laet v ontfermen dit ongeuoech Dat men dus breket v geleide Dair en sel nyement ouer die heide Dorre varen noch oec keren 3555[regelnummer] Sel reynaert noch dus lang regneren Hier coomt carbout ende scerpenebbe Die oec zeer grote clage hebbe.
[Folio 57r]
REcht doe dese tael was vertogen Quam corbout die die roeck geulogen 3560[regelnummer] Voor den coninck in tgedinge Ende sprac heer hoort ic bringe Een meer een iamerlic dinck Huden morgen ic spelen ghinck Mit scerpen neb mynen wiue 3565[regelnummer] Dair lach gelijc enen doden katyue Reynaert die voss die op die heide Sijn ogen stonden te staer beide Sijn tonge heync ver wt synen mont Recht gelijc enen doden hont 3570[regelnummer] Mit op gelokenre wider kele Wy dreuen beide rouwen vele Om synen doot mijn wijff en ick Wy tasten sijn buuck ende rick Mer wy en vonden dair aen geen lijff 3575[regelnummer] Doen gynck staen luusteren mijn wijff
[Folio 57v]
Aen synen mont ende aen sijn kyn Off hi enigen adem had yn Daert hair zeer in mysvel Want hi die valsch is ende fel 3580[regelnummer] Wachte wel nauwe synen slach Want doe hise sonder hoede sach Aen synen mont also staen mercken Sloech hi sijn tande tsamen stercken Mit nyde ende beet haer off dat hooft 3585[regelnummer] Van anxte was ic so berooft Dat ic lude riep o wy Doe stont hi op ende snaude na my Mer ic ontvlooch myt anxte groot Anders wair ic bleuen doot 3590[regelnummer] Het was oec nau dat ic ontquam Op enen boom ic mijn vlucht nam End zach van verre hoe die katijff Ghinc staen eten mijn goede wijff Hy en liet aen vleisch noch aen been 3595[regelnummer] Niet dan die vederen sommich een Die cleyn plumen gingen oec op So was hem verhongert den crop Doe en bleef hi dair niet meer Hi had wel gegeter zeer 3600[regelnummer] Hy liep heen sijnre straten iagen Doe vloochic op myt groten mishagen Mit groten rou ende mysbaer Ende las die vederen op van haer Om dat ic se v wilde togen 3605[regelnummer] Jc en woud noch sulken anxt niet dogen Als ic dair leet om dusent merck Heer ziet hier een ontfermelic werck Dit sijn die vederen van scerpe nebben Heer wildi macht off eer hebben
[Folio 58r]
3610[regelnummer] So doet hier off sulke wraeck Dat hem ellic huede van zulker saeck Want laet gi dus v geleide breken So war dy selue in tleste versteken Wat heer die niet en recht ouer die quade 3615[regelnummer] Die hem sculdich haerre misdade Ende ellic wil selue dair heer wesen Heer coninc huet v wel van desen. NObel die coninc wart zeer ontstelt Als die roeck had vertelt 3620[regelnummer] Dese tael ende dat conijn wart gruwelic in taenschijn Sijn ogen barnden als een vier Ende briesscede als een stier So lude dat al thooff verstoorde 3625[regelnummer] Ten lesten sprac hi dese woorde By mijnre cronen bi mijnre trouwen Die ic sculdich bin mijnre vrouwen Jc sel dese daet so hoge wreken Dat men dair off sel spreken 3630[regelnummer] Dat mijn geleide ende mijn gebot Dus is te broken ic was een zot Dat ic so lichtelic geloofde Den scalc die my verdoofde Mit sijnre geuensder talen 3635[regelnummer] Jc gaff hem palster ende malen Ende maecte dair off een pelgrijm Hy seide hi wilde te romen sijn Ende van daen ouer meer Ay my wat can hi lozer keer 3640[regelnummer] Hoe wel maecte hi ons die mouwe Mer dede al mijn vrouwe Bi haren raet ist al gesciet Doch ic en byns alleen niet
[Folio 58v]
Die bedrogen is bi vrouwen rade 3645[regelnummer] Dair heeft mennich of groot scade By geleden ende groten tooren Jc gebiede ende bidde te voren hem allen die gern die hulde mijn Sijn si hier off wair sy sijn 3650[regelnummer] Dat sy myt werken ende myt rade My helpen wreken dese ouerdade So dat ics bliue in mijnre eer Ende ons dat vuyle wicht niet meer Te spot en driue ende oec te schern 3655[regelnummer] Jc wil dair mitten liue ghern Selue toe helpen al dat ic mach Beide ouer nacht ende ouer dach JSegrim die behagede wael Ende brwn des conincs tael 3660[regelnummer] Ende hoopten noch gesijn te wroken Op reynaert conden zijt toe gestoken Mer sy en dorsten niet spreken een woort Die coninc was so zeer gestoort Noch nyement die ten houe was ynne 3665[regelnummer] Ten lesten sprac die coninghynne Sier pour dieu ne croys mye Toutes tsieres que on voys dye Et nyernes pays legierement Want ten sel geen man van eren 3670[regelnummer] Te licht gelouen noch hoge sweren Eer hi claer wel weet die zake Ende hoort die weder sprake Sulc doen opten anderen clage Wair hi by hem ende hy en zage 3675[regelnummer] Het mocht licht dat hijs hem verdroege Ende gaen myt hem al int geuoege Dair staet oec gescreuen me
[Folio 59r]
Alteram partem audite Die sulc die claecht en selue meest misdoet 3680[regelnummer] Jc hielt reynaert ouer goet En dat hi om geen loosheit en dochte Dair om halp ic hem dair ic mochte Dat deed ic heer al om v vrome Mer hoet gaet off hoet so come 3685[regelnummer] Hy is quaet off hi is goet Hy is wijs ende van rade vroet Ende dair van groten gesclachte Mer dat ic alre meest achte Dat gi verhaesten soud v eer 3690[regelnummer] Op hem dat mystond v zeer Want hi en mach v niet ontbliuen Wil dien vangen off ontliuen Hy moet hem liden voordel Doe sprac die lupaert fyrapeel 3695[regelnummer] Heer mijn vrouwe seit v waer Doet wel ende volges haer Neemt raet dair off myt v baroen Ende vijnt men hem sculdich int misdoen Als wy nv hebben horen spreken 3700[regelnummer] So laet ons hoochlic op hem wreken Coomt hi niet. eer sceit dit hoff Ende doet al sulc ontscout dair off Als hi na recht billix sal Doet dan dat gi te rade wart al 3705[regelnummer] Mer wair hi nochtans also quaet So en gaaf ic dair toe genen raet Dat men bouen recht yet dede Seide fyrapeel des volgen wi mede Alle gader sprac ysegrim 3710[regelnummer] Die tael mach niet verbetert sijn Op dat mijn heer also begeert
[Folio 59v]
Mer wair hier alte hant reyneert Ende hem ontsculdichde sulker saken Als dese twee nv op hem spraken 3715[regelnummer] So soudic nochtan brengen voort Dair hi tlijff aen heeft geboort Mer ic wil nv swigen des Want hi dair niet tegenwoordich en es Ende nochtan heeft hi bouen al 3720[regelnummer] Den coninc gemaect so mal Ende heeft hem gewijst den scat Dair niet en was dit noch dat Jn hulster lo bi krieken pit Meerre logen dan dit 3725[regelnummer] Weet ic wel was nye gelogen Dair toe heeft hi ons al bedrogen Ende brwn zeer gescent ende my Dair wil ic mijn lijf setten by Dat hi een woort waers niet en seide 3730[regelnummer] Nv rooft ende moort hi op geen heide Al dat coomt op sijn op sijn casteel Niet dair her firapeel Wes den coninc ende v dunct goet Dats billix dat men also doet 3735[regelnummer] Mer had hi hier willen comen Hi heest die mare wel vernomen Van des houe by sinen bode Nv willen wi hem ontbieden den rode Sprac die coninc hier te commen 3740[regelnummer] Mer hem allen ende myt hem zommen Gebiede ic die gern mijn eer zagen Dat sy gereet sijn bynnen zess dagen Ende wel voorzien om oorlogen Alle die scut hebben off bogen 3745[regelnummer] Donre bussen ende bombaerden
[Folio 60r]
Beide voet gangers ende te peerde Als behoort ten besit tot maperthuus Jc sal maken reynaert so confuus Jst dat ic coninc heet lyoen 3750[regelnummer] Wat seg di gi heren wildijt doen Ja wi riepen si gemeenlic zeer Wanneer gi vaert wi volgen v heer Al sout ons costen lijff ende goet Hier op heer coninc weest wel gemoet 3755[regelnummer] DJt hoorde grymbaert die das Och hoe toornich dat hi was Ende rouwich haddet mogen baten Hy liep henen die rechte straten Die te maperthuus lagen 3760[regelnummer] Hy en spaerde bosch noch hagen So zeer liep hi dat hem dat zweet Tot allen leden wt brac gereet Om synen oom reynaert den roden O wi lieue oom in wat noden 3765[regelnummer] Sy di comen wair seldy bliuen Sel ic v zien dus ontliuen Off wtten lande sien iagen So mach ic wel myt rechte clagen Ghi zijt thooft van onsen geslachte 3770[regelnummer] Wijs van rade bi dage en by nachte Al uwen vrienden altijt bereit So wair gi spreect dair vyndi die pleit So schoon kundi v fallacien Mit dus groter lamentatien 3775[regelnummer] Quam hi tot maperthuus gegaen Ende vant reynaert dair voor staen Hy had geuaen twee ionge duuen Al tot synen behoeff te cluuen Dair sy te voren hair eerste spronck
[Folio 60v]
3780[regelnummer] Wvt vliegen oeck soude ionck En prueuen off sy ter eren Hair yet mochte generen Jnder lucht dair vyelen sy neder Jn onmacht hair vederen waren teder 3785[regelnummer] Ende hair vluegelen veel te cort Reynaert die des gewaer wort Want wt gegaen was om proye Hy greepse beide myt groten yoie Ende is dair mede te huus gecomen 3790[regelnummer] Mer nv hi grymbaert heeft vernomen Verbeide hi sijns ende sprac hem an Vellecoom neue voor enich man Die ic in ons en geslachte weet Ghi loopt so zeer dat gi zweet 3795[regelnummer] Hebdi yet van my vernomen Och oom het is v qualic becomen Lijff en goet is al verloren Die coninc heeft selue gesworen Dat hi v scandelic sal doden 3800[regelnummer] Ende heeft heeruaert geboden Alle sijn volc ouer zess dagen Gescut peerd ende wagen Bombaerden ende donrebossen Hyet hi laden ende trossen 3805[regelnummer] Tenten ende paulyoene Siet voor v gi hebts te doene Wan ysegrim ende brwn sijn nv Bet biden coninc dan ic bi v Al dat si willen dats gedaen 3810[regelnummer] Ysegrim heeft hem doen verstaen Dat gi rooft. ende moort tot alre tijt Hi draget op v had ende nijt Hi wart maerscalc int assaut
[Folio 61r]
Dat conijn ende die roeck corbaut 3815[regelnummer] Hebben grote clage op v gedragen Jc zorch voor v ende al v magen Dat my van anxt geen goet en schiet Och lieue neve ist anders niet Sy di hier off dus zeer verueert 3820[regelnummer] Set v te vreden sprac reyneert Al had die coninc selue gesworen Ende alle die tot sinen houe horen Als ic my seluen raet wil geuen Jc word noch bouen al verheuen 3825[regelnummer] Si mogen veel raden of sy Mer het hoff en dooch niet buten my. GAet dar varen lieue neve Coomt in en ziet wat ic geue Een paer duuen ionc ende vet 3830[regelnummer] Jc en mach geen spise bet Want si sijn goet te verduwen Men machse swelgen sonder kuwen Ende die beenre smaken so zoet Want het is half morch ende bloet 3835[regelnummer] Die laet ic alle mede in gaen dore Jc vuel in mijn mage humore Dair om eet ic gern lichte spise Mijn wijff ermelijn die wise Die sel ons herde wel ontfaen 3840[regelnummer] Mer en laet haer niet verstaen Van onsen saken oec yet horen Want sy soude hair alte zeer verstoren Sy soud in onmacht vallen van vaer Want een cleyn dinck gaet hair naer 3845[regelnummer] Sy is zeer teder van herten toe Morgen ga ic myt v vroe Te houe ende sel mijn zaken
[Folio 61v]
So verandwoorden mach ic te spraken Comen dat sulke te na sel gaen 3850[regelnummer] Neue sel dy my staen Als een vrient den anderen doet Ja ic lieue neue lijff ende goet Dat is tot uwer liefd bereit Danck hebt neue das wel geseit 3855[regelnummer] Mach ic leuen het sel v vromen Oom ende oec mooch di wel comen Voor alle die heren tot ontscouden Men sel niet vangen nochte houden Also lange als gi sprect v tale 3860[regelnummer] Dit heeft die coninghinne wale En die lupert besproken also Reynaert sprac so bin ic vro So en ducht ic van nyement een haer Ende ic en hoorde nye lieuer maer 3865[regelnummer] Jc sel mijn recht nv wel bedringen Doe zwegen sy van desen dingen Ende sijn bynnen den berch gecomen Dair hebben si armelijn vernomen Ende lach bi haren iongen 3870[regelnummer] Ende is ter vaert op gesprongen Ende ontfencse beide wael Grymbaert gruetse myt zueter tael Sijnre moyen ende hair kijnder Men reyde ter maeltijt gijnder 3875[regelnummer] Die duuen ionck die reynaert brochte Ellic die at dat hem geboren mochte Nochtan so en waren wi niet zat Al hadder ellic noch een gehat Dair en had niet veel gebleuen 3880[regelnummer] Reynaert sprac ziet lieue neue Hoe behagen v die kijnder mijn
[Folio 62r]
Rossel ende reynaerdijn Sy sellen onse geslachte meren Sy beghynnen hem vast te generen 3885[regelnummer] Die een vanct een dander een kuken Sy connen oec wel in twater duken Na kuken en na enden Jc sou dees dicker om proy wt senden Jc wilse leren eerst beuroeden 3890[regelnummer] Hoe sy hem voor die stric sellen hoeden Voor die iagers ende voor die honden Waert dat si den aert wel conden So wair ic wel op hem gerust Sy souden dic onsen lust 3895[regelnummer] Van mennigerhand spise boeten Die wi van node deruen moeten Ende sy slachten my zeer wel Want grymmende spelen si hair spel Ende gene die sy haten 3900[regelnummer] Ende hem vriendelic gelaten Om dat hijs te myn verhoet So brengen size so onder die voet En biten hem ontwee die keel Dats den aert van reynaerts speel 3905[regelnummer] Ende oec sijn si ter grepen snel Dat behoort ons toe zeer wel. COm gi moocht v wel verbliden Want het is een scoon toe tiden Te hebben kijnder die sijn so vroom 3910[regelnummer] Jc verblijts hoet so coom Dat icse in mijn geslachte weet Grymbert neue gi hebt gesweet Ende zijt moede het waer wel tijt Dat gi ginct op v rust oom wildijt 3915[regelnummer] So dunket my goet gedaen
[Folio 62v]
Doe ginc hi neder leggen zaen Op een letier gemaect van stroy Reynaert ende sijn wijf ende al die proy Ghingen oec slapen mer niet reynaert 3920[regelnummer] Was myt zorgen zeer beswaert Hoe hi hem best onsculdigen mocht Alden nacht lach hi en docht Ende socht in hem seluen raet Des morgens mitter dageraet 3925[regelnummer] Rwmde hi myt grymbaert sijn hooff Mer eerst so nam hi schoon oorloff Aen sijn wijf vrou ermelijn Ende oock aen die kijnder sijn Hy sprac laet v niet verlangen 3930[regelnummer] Jc moet vmmer te houe gangen Mit grymbert mynen neue Ende off ic yet te lange bleue Dair om en zijt niet in vaer Al hoordi oec enige lede maer 3935[regelnummer] Die sel di altoos slaen int goede Mer vmmer zijt op v hoede End verwaert onse veste Jc sel gynder vorderen dat beste Nadien dat ict gelegen zie 3940[regelnummer] Och reynaert so en was ic dus droeuich nye Dat gi vmmer wijt van desen Ghi waert dair lest in groter vresen Dat gi leuende nau ontquaemt Ende gi seit ende had geraemt 3945[regelnummer] Dat gi dair niet weder en wout Vrou die auentuer is mennichfout Het gaet bi wilen buten gissen Sulc die waent hebben hi moets missen Jc moet vmmer dair wesen nv
[Folio 63r]
3950[regelnummer] Weest te vreden des bid ic v Want het is al sonder anxt Jc coom weder opt alre lanxt Bynnen vijff dagen ist dat ic kan Hier mede scieden van dan 3955[regelnummer] Reynaert ende die dass te samen Ende doe sy op die heide quamen Sprac reynaert. neue hoort my nv Synt ic lest biechte tegen v Heb ic mysdaen dat moet horen 3960[regelnummer] Men sel die quaetheit brengen voren Jn biechten die men heeft gedaen Men derff die duecht niet doen verstaen Diemen doet dat en is geen sonde Jc maecte brwn een grot wonde 3965[regelnummer] Ende een scerp snyden wt sinen liue Ende ic dede den volf ende synen wiue Die schoen vullen myt horen voeten Jc dede den coninc tot my waert zoeten Sinen toorn ende maecten te vriende 3970[regelnummer] Dat ic luegen al verdiende Jc seide dat brwn ende ysegrim Stonden na dat leuen sijn Ende dat sy hem verraden souden Dus maect ic buten horen scouden 3975[regelnummer] Dat hem die coninck wart zeer hat Ende al myt luegen deed ic dat Oeck wijsde ic den coninck enen scat Des hem nye en wart te bat Want ic loocht al dat ic seide 3980[regelnummer] Bellijn den ram ic myt my leide Ende kuwart die ic tlijff roofde Ende seynde bellijn mitten hoofde Totten coninc om sinen toren
[Folio 63v]
Jc duwede dat conijn tusschen sijn oren 3985[regelnummer] Dat ic hem wel na dat leuen nam Ende het was my leet dat hi ontquam Mer het was my alte cloeck Mit recht claech ic ouer die roeck Want ic at sijn wijff scerpe nebbe 3990[regelnummer] Lieue neue ende oec so hebbe Jc my bedocht van enen dinck Dat ic vergat doe ic lest ginck Te biechten dat moet ic seggen mede Het was een hoesheit die ic dede 3995[regelnummer] Den wolf. my wair leet deed men my Wi quamen gaende ic ende hi Tusschen honthorst ende euerdingen Dair zagen wi dat voor ons gingen Een mery root ende haer vole 4000[regelnummer] Dat so swert was als een cole

Vorige Volgende

Reinaerts historie (Reinaert II)

Reinaerts historie, 3001-4000

Over het gehele werk

auteurs