Refereynen ende liedekens
(1563)–Anoniem Refereynen ende liedekens–De bloeyende Wijngaert tot Berchem.
| |
[Folio 74r]
| |
Dus hout dan in Rusten de Landen met seden,
Een goede Wijsheyt van den Heere ghegheuen.
Een goede Wijsheyt die can verdwijnen,
Oorloghe, Twist, met gheueysder schijnen,
Die door dwaesheyt de Landen souden hinderen,
Wee v, ghy die de Urede houders soo pijnen,
U Oordeel sal naken, v rijcke sal minderen,
Ghy sult ghestraft worden als Sathans kinderen,
Om dat ghy Gods Gebot breeckt met valsche lagen,
Die v deucht doen soeckt ghy te verslinderen,
En maket d'Landt vol Onvrede deur v plaghen,
Laet varen sulckx Opset wilt v versaghen,
Bidt om Wijsheyt sy wort v ghegheuen zeer claer,
Sy sal v leeren by nachten, by daghen,
Den Wille des Heeren, dus volchtse eenpaer,
Dan sal in Rusten blijuen v Landt voorwaer,
Om dat de Wijsheyt uwen twist heeft verdreuen,
En voecht v eendrachtelijck tsamen daer,
Een goede Wijsheyt vanden Heere ghegheuen.
De Wijsheyt is een huys vol Ureden gheplant,
Uol stichtinghe, vermaninghe aen elcken cant,
Och hoe peyselijck ist daer om inne woonen,
Tisser lieffelijck verciert d'een doet d'ander bystant,
De Deucht die comtse al tesamen croonen,
Hens Naesten ongheual deert elck by persoonen,
In tsweet hens aenschijns winnen sy geeren hen broot,
Sy bouwen d'Lant niemant can hen hoonen,
In Rusten en het groeyt daer inne zeer groot,
Daer zijn goey Leeraers die haer leeren inder noot,
Sy hooren sijn Woordt en doen sijnen Wille:
| |
[Folio 74v]
| |
Niet en hindert hen, God leytse wt s'vyants padt,
Hen Tonghe regeert hy openbaer en stille,
Hy voldoet en elck, en blusschet t'gheschille,
Om dat sy wijsselijck nae sijn Woorden leuen,
En d'Landt in Rusten houden zeer crille,
Een goede Wijsheyt vanden Heere ghegheuen.
| |
§ Prince.Tot waken, bidden zijn sy altijt bereyt,
Neerstelijck soecken de gherechtighe Waerheyt,
Daer hen toe can dwinghen de Wijsheyt zeer sterck,
Diese altijt op de rechte Weghen leyt,
En gheeft hen wijse Regenten int s'węrelts perck,
Die d'Lant regeren, niet nae hen eyghen werck,
Maer met Wijsheyt gaende tsamen te Rade,
Sy volghen sijnen Wille als eenen ionghen Clerck,
Om dat sy niet en souden comen te spade,
En houden soo d'Lant in grooter weldade,
Peyselijck, op niemant hebbende twist,
Die vyanden nemense in Ghenade,
Om iemant te bedrieghen soeckense gheen list,
De Wijsheyt is hen ingheplant dwelck niet en mist,
Houdende de Landen vrij, sonder beuen,
In Rusten den tijt niet met ydelheyt en quist,
Een goede Wijsheyt vanden Heere ghegheuen.
| |
§ Liedeken.O Sion schoon wilt verblijden,
Ghy zijt verlost van s'Doots bestrijden,
Want Christus heeft moeten lijden,
Om v bevrijden.
| |
[Folio 75r]
| |
U bidden hy altijt verhoorde,
En v vyanden hy verstoorde,
En stelden v in accoorde,
Met sijnen Woorde.
Dus moeten wy den Heere louen,
Sijn Gracy hy ons sendt van bouen,
Op dat wy niet zijn verschouen,
Uan sijnen Houen.
Doen wy laghen vast in s'Doots banden,
En inder wreeder Leeuwen tanden,
En wouden bringhen ter schanden,
Ons in ons Landen.
Nu hebdy v Enghelen Heere,
Hen belast ons te draghen zeere
Op dat onse voeten teere,
En stoote meere.
Dus hebdy O God int verclaren,
Ons altijt wel willen bewaren,
En wt alle boose scharen,
By een vergaren.
Ons herten connen niet volbringen,
U Lofsanghen ghenoech te singhen,
Wilt toch onsen gheest bespringhen,
En daer toe dwinghen.
| |
§ Prince.Prince God wilt ons niet benouwen,
Maer v woordt in ons herten bouwen
Op dat wy moghen aenschouwen,
U Rijck vol Trouwen.
|
|