Refereynen ende liedekens (1563)

Refereynen ende liedekens

(1563)–Anoniem Refereynen ende liedekens– rechtenstatus

Auteursrechtvrij

Vorige Volgende



[Folio 66r]
§ Refereyn 30.
Antwerpen. Uiolieren. Wt ionsten versaemt. Waeckt altijt. SAlich is d'Landt, en van Godt ghebenedijt, Daer de Ureese des Heeren is gheplant, Alsulcken Landt is inder eewicheyt bevrijt Uoor Twist en tweedracht, leuende onbenijt, En die Inwoonders zijn daer aen elcken cant Zeer grootelijck begaeft van Godt triumphant Met veelderley gauen, niet om volprijsen, Hebbende een wijs Regeerder zeer vailiant, Die God is vreesende om een verjolijsen Tot alder Gherechticheyt sietmen hem rijsen, Draghende Godts Wet in sijn herte alleene: Dus moeten hem d'inwoonders (na tschrifts bewijsen) Ghehoorsaem (in deuchden) zijn, vrij sonder weene, Hebbende malcanderen lief, groot en cleene, En de Landen en compt gheenen twist ontrent: Maer houdt de Landen in Rusten ghemeene D'Ouerheyt Godt vreesende, deur Wijsheyt ient. D'Ouerheyt zijnde eerst van Godt ghestelt, En heeft haer t'Sweerdt der Iusticien ghegheuen Uoor den ghenen die daet zijn doende ghewelt, Op dat die Goede niet en worden ghequelt: Maer leuende in Rusten, vrij sonder sneuen. Dus ghy, die hier wilt wederstaen in dit leuen Die Ouerheyt van Godt zeer hoochlijck bemint: Weet dat v nakende is d'eewich beuen, En sult een swaer Oordeel ontfanghen (dit versint)
[Folio 66v]
Want een wijs Coninck rechtet Lant op, en ontbint Eenen goeden Schat voor sijn volck ydoone, En de ghierighe Godts Oordeel niet en kint, Soeckende Twist, voor een elcken persoone, Daer d'Ouerheyt, heylich maeckt haren troone, En verdrijftse, die tot Boosheyt zijn ghewent, Als eenen Leeuw, beschermende die croone, D'Ouerheyt, Godt vreesende, deur Wijsheyt ient. Daer gheen Ouerheyt en is, naket Landt verdriet, En d'inwoonders verstrooyen als schaepkens eenpaer, Die sonder herder zijn, door t'quaet dat daer gheschiet Uanden Ureemdelinck, die d'lant bederft en bespiet, Om sijn eyghen bate, wt Ghiericheyt voorwaer, Maer een wijs Coninck, die d'Lant toebehoort claer, Als sijnen oog'appel, sal hy d'Lant beschermen, Met d'Inwoonders, stellende sijn siele voor haer, En verwint sijn vyanden, sonder ontfermen, Dus wie dat ghy zijt, tzij Rijcke oft Ermen, Ghy moet d'Ouerheyt altijt obedieren, Gheeft haer dat ghy schuldich zijt, sonder kermen, Op dat ghy in Ureden meucht perseuerieren, En naemaels by Godt, eewich glorieren, Want haer Godt heerlijck ghemaeckt heeft int eertsch convent, Deur dat sy volbringt Gods ordineren, D'Ouerheyt, Godt vreesende, deur Wijsheyt ient.
§ Prince. Neemt de Wijsheyt ter herten, sterckt uwen Raet, Ghy die d'Lant regieert, als Rechters eersame, Weet dat sy al ts'Weerelts schatten te bouen gaet Oordeelende al dat Recht is, sonder verlaet,
[Folio 67r]
En die haer beminnen, beschermt sy van blame Gheuende d'Ouerheyt een looffelijcke fame, Dus wilt altijt vreesen den Heere onbeuleckt, D'welck d'begin der Wijsheyt is, hooch van name, So de Regeerders zijn, zijn d'inwoonders perfeckt, D'welck de Landen, tot Eendrachticheyt treckt, Dus bemint de Ouerheyt, sonder wederstoot, Ghy Inwoonders, en haer alle eere ontdeckt, Want sy Gods dieners is, gedaelt wt s'vaders schoot, Op dat haer de quade souden vreesen ter noot, Maer die Goede is sy een sterck fondament, En can de Landen houden in Rusten minioot, D'Ouerheyt, Godt vreesende, door Wijsheyt ient.
§ Liedeken op de wijse, Adieu wy twee moeten scheyden. MIjn Siele gheeft lof // v Heere God ghepresen, Ick eertsche stof // moet v altijt louende wesen, Mijn vyanden die my daer hadden bestaen, En waren bereet om my te vaen, Ick was belaen, Hoort mijn vermaen, Maer Heere, ghy en sult my niet afgaen. Mijn hope goet // is in v Heere, alleene, Die metter spoet // my helpt wt allen weene, Mijn borcht, en toevlucht, zijdy eenpaer, Mijn Salicheyt, een vast pylaer, Uoor ende naer, Int openbaer, Met recht, moet ick v louen voorwaer.
[Folio 67v]
O Heere my leert // kennen uwen Wech eersame, Op dat gheëert // wordt uwen hooghen Name, Mijn betrouwen in Heere tot v ghewent, Dat mijn vyanden met torment Als nu present Worden gheschent Die my veruolghen zeer diligent. Heere, ghy aensiet // die v vreest en beminnen, Al mijn verdriet // can ick met v verwinnen, Al deur t'Ghelooue, cloeck en vailiant, Uerciert met Liefden aen elcken cant Zeer triumphant, U Rechte hant Sal my omhelsen Heere plaisant. Hoort mijn ghebet // en verlaet Heer niet de slechten, Het Uleesch besmet // comt my altijt bevechten, Al met die Sonde, listich en quaet, En ts'Weerelts lusten obstinaet, Uroech ende laet, Reyn Goddelijck Saet Wilt altijt wesen in mijnen Raet. Die Weerelt loos // en t'Uleesch vol quader seden, Die daer altoos // willen mijn Siele vertreden, Met Paulo spreeck ick Heere minjoot, Ontlast my van dit Uleesch als loot, D'welck my zeer groot Soeckt totter doot, Ick aenroep v Heere in mijnder noot. Mijn Siele verblijt // Heer in v Woordt ydoone, Dat ick ter tijt // sal gaen in uwen Troone
[Folio 68r]
En dat ghy my sult gheuen sonder bedwanck Mijn vyanden tot een voete banck, Dies ick v danck Met Lof en Sanck, Maer Heer aensiet mijn Uleesch zeer cranck.
§ Prince. Lof zij v Godt // bouen alle Princen verheuen, Dats v Ghebodt // laet my te rechte aencleuen, Dat ick mach weerstaen alle tempeest, Uersterckt my Heere met uwen Gheest In dit Foreest, Cloeck onbevreest, Helpt my Godt louen nu minst en meest.

Vorige Volgende

Over het gehele werk

organisaties

Corenbloem

datums

26 juli 1562

Over dit hoofdstuk/artikel

organisaties

Violieren