Refereynen ende liedekens

§ Refereyn 28.

Louen. Roose.
Minne is t'Fondement.
Uande Broeck.

O Wonderlijcke Werelt, hoe zijdy verkeert,
Doen ghy als eenen gulden berch waert gheeert,
Maer den Tijt is absent,

[fol. 63r]

 

Daer nae heeftmen v gheacht, soo de Wijse leert,

 

Siluer, d'welck v verheert heeft, en ruste gheschent

 

Onder t'Firmament

 

Hebdy ghebaert als een dootelijck serpent,

 

D'ijser en Stael tot smenschen bederuen,

 

Waer mede dat compt d'onnoosel bloet otnrent

 

De Doot of veriaghinghe wt hunder eruen,

 

Diesmen v wel noemen mach deur v conseruen,

 

Een bloedighe Werelt, een doottelijck dal,

 

Deur d'Onghenadicheyt diemen siet verweruen,

 

Wee den ghenen daer deur ghebeurt groot gheschal:

 

Maer wel hem, die Ruste soeckt sonder misval,

 

Een de soetheyt deur Liefde des vredts keest // knout

 

De Questie is vroet, dus seg ick int ghetal,

 

Wijsen Raet deur Gods gheest ruste int landt meest // hout.

 

 

 

Wijsen Raet, dat is een soete Landouwe,

 

Daer Gods gheest in plant, claerder dan den gouwe,

 

Eendrachtich accoort:

 

Wijsen Raet deur Gods Gheest is de rechte trouwe,

 

Een suyuer Kerssouwe // die Oorloghe versmoort

 

Altijt bringhende voort,

 

Broederlijcke Liefde en Ruste aent boort:

 

Maer d'wasen raet die soeckt des werelts eere quaet,

 

Exemple aen Aman, (hoort mijn Rappoort)

 

Om dat hem Mardocheus in sijnen Staet

 

Niet en eerden, heeft met boosheyt obstinaet,

 

Dwasen Raet ghesocht, gheuonden om te strijen,

 

Om Iudeen te niet te doen sonder verlaet:

 

Maer wijsen Raet deur Gods gheest sonder enuijen

 

Is in Hester ghefondeert voor druck en lijen,

[fol. 63v]

 

En heeft haer volck bevrijt voor Amans tempeest // stout

 

Dus mach ick wel segghen van tijen tot tijen,

 

Wijsen Raet deur Gods Geest, ruste int lant meest // hout.

 

 

 

Wijsen Raet deur noot heeft Iudith ghesocht

 

Inden Gheest Godts die heur deur Liefden brocht

 

Wijsheyt ende Uerstant,

 

Om te schouwen Holofernis groote Tocht,

 

Die niemant en mocht // wederstaen aen elcken cant

 

Sijn Sterkheyt vaillant,

 

Dan wijsen Raet deur Godts Gheest abondant

 

Die Bethulien heeft brocht tacxken van Peyse,

 

Wijsen Raet is Urede en Ruste eenen Bant,

 

Een Ciraet bouen Gout binnen den Paleyse,

 

Daer Deucht in brant als t'vier inden forneyse:

 

Want als wijsen Raet deur dwaesheyt is verschoten

 

Discoort, Mars, Atropos is dan op de reyse,

 

Daer Miserie, verdriet compt deur ghesproten,

 

Maer wijsen Raet metten Gheest Gods onuerdroten

 

Is den schermschilt die onrust in doots foreest // dout:

 

Dus seg ick tot hun die met Peys zijn begoten,

 

Wijsen Raet deur Gods gheest, ruste int lant meest // hout.

§ Prince.

O Princelijcke Heeren die zijt ghestelt

Ouer menichte van Menschen onghetelt
Met allen v Crachten,
Hoort na t'Derde Boeck der Coninghe onghequelt
Allen droefheyt nu velt // hier op wilt achten
By daghen en nachten,
God sprack deur den Geest in Salomons gedachten,
Salomon wat wilt ghy dat ick v sal gheuen?

[fol. 64r]

 

O Heere, want bouen allen gheslachten

 

Ben een cleyn Kint op mijns Uaders stoel verheuen,

 

Gheeft my Wijsheyt en Raet Heere sonder sneuen,

 

Op dat mijn volck in Peyse gherust mach woonen,

 

O ghy Princen der Eerden wilt alsoo leuen,

 

Godts Gheest inder Waerheyt en sal v niet hoonen,

 

Wijsen Raet sal Urede en Ruste croonen,

 

Al soecken sy Twist die voor den val eest // grout,

 

Ick segghe als voore met onuerschoonen,

 

Wijsen Raet deur Gods Geest, ruste int lant meest // hout,