Refereynen ende liedekens
(1563)–Anoniem Refereynen ende liedekens–
AuteursrechtvrijAntwerpen.
| |
[Folio 39r]
| |
Waer deur men de Landen tot elcken saysoene
In Rusten can houden Auont en Noene,
Maer dat selue van Godt compt hier beneden,
Want des Heeren Ureese goet om bevroene,
Die houdt alle Landen in Ruste en Ureden,
Des Heeren Ureese, zeer soet van Zeden,
Die houdt gherust, ende bringt ter schanden
Twist ende Discoort in alle Steden:
Ureucht is daerse gebruyct wort met goey verstanden,
Want het is d'welvaren van alle Landen,
Die allen Twist ende Tweedracht verheert,
En can verwinnen alle haer Uyanden,
De vreese Gods die Eendracht sterct, en Liefde leert.
Gods Ureese is in alle Landen d'Welvaren,
Waer Gods Ureese ghebruyckt wort sonder sparen,
Daer is Ure en Ruste, deur haer Protectie,
Want Gods Ureese alleene Ruste can baren,
Midts dat sy een Moeder is der Perfectie,
Haet en Nijt bringt sy onder haer Subiectie,
Het is een suyuer Blomme al soo men siet,
Die haer wel ghebruycken met Anectie,
Die selue een vreucht zijn in alle verdriet,
Al soot deur de schoone Iudith is gheschiet,
Die alle haer Uyanden heeft verwonnen,
Met Gods Ureese deur den Gheest die trouwe biet,
Deselue in elck Landt moet zijn begonnen,
Dan sal d'een den anderen Ruste ionnen,
Ende Uyantschap worden in Urede verkeert,
Dus en is niet beter dan onder der Sonnen
De vreese Gods die Eendracht sterct en Liefde leert.
| |
[Folio 39v]
| |
Gods vreese is d'beghin der Wijsheyt met sinnen,
Wel zij de Regenten die haer beminnen,
Diens Landen in Ruste blijuen onbevlect,
Die Ureese des Heeren (wilt dit bekinnen)
Is die Wortele van alle Deuchden corect:
Waer datmen die Ureese des Heeren ontdect,
Daer is lanck leuen, ende blijde daghen,
Ghehoorsaemheyt der Ouerheyt niet suspect,
Uoorspoedicheyt int leuen sonder claghen:
Die Ureese des Heeren die doet veriaghen
Alle Oproericheyt, naer des Schrifts orconden,
Sy maeckt gherust der Conscientien knaghen,
In haer en wordt niet dan Deucht beuonden,
Sy is t'waerschouwen voor alle Sonden,
Hoe hart de Menschen zijn in Onruste verweert,
Haer can gherust houden, willet wel deur gronden,
De vreese Gods die Eendracht sterct, en Liefde leert.
| |
§ Prince.Salich is dat Landt, daermen den Heere vreest,
Daer sal hy ouer storten sijnen Gheest,
En haer alle Ruste gheuen groot en cleene,
Rijckdom ende Uoorspoet, smaeckt wel den keest,
Dus en isser niet beter voor elck eene,
Dan die Ureese des Heeren, die houdt ghemeene
Alle Landen in Ruste, spot is publijcke:
Die den Heere vreesen van herten reene,
Haren Loon die en sal (t'zij Erm oft Rijcke)
Niet ijdel ghemaeckt zijn in dit dal van slijcke:
Dus en is niet beters ter Werelt bleuen,
Dan die Ureese des Heeren in elcken wijcke,
Die welcke gherust houdt de Landen en t'Leuen
| |
[Folio 40r]
| |
Der menschen, d'welck ons is van Godt ghegheuen,
Want alle Deucht en Ureucht deur haer vermeert,
In Ruste houdt de Landen, sover staet gheschreuen,
De vreese Gods die Eendracht sterct, en Liefde leert.
| |
§ Liedeken op de wijse, My lief is my onlancx ontweken. &c.UErsint ghy Gheestkens alle ghelijcke,
En wilt niet wesen zeer obstinaet,
Regiert v wel, Erm ende Rijcke,
En wilt volghen des Wijse mans Raet,
En leert Wijsheyt zeer delicaet,
Soo sult ghy vinden goede Ruste,
Deur Wijsheyt reyn,
Deur Wijsheyt reyn,
Die allen Haet oyt bluste.
Aenmerckt doch wel des Werelts treken,
Die heel vol boosheyt is gheplandt,
Sticht Ure, wilt altijts Wijsheyt spreken,
Sy is ghedaelt van Godts Rechter handt:
Wijsheyt is een ghetrouwen Pandt,
Soo Christus seluer heeft gheleert,
Dus zijt doch wijs,
Dus zijt doch wijs,
En alle boosheyt van v keert.
Haer Uruchten goet die zijn Lanck leuen,
Sy is ghetrouwe al sonder vaer,
Goet ende Schat can sy v gheuen,
Den Bedruckten troost sy oock voorwaer,
Die Wijsheyt soeckt verre of naer:
| |
[Folio 40v]
| |
Bidtse van Godt, hy is alleene
Haren Gheuer goet,
Haren Gheuer goet,
Die bringt wt alle Weene.
Ouerdinckt doch ghi ionghe spruyten
Die Wijsheyt ende haer oock bemint,
Twist en discoort die sluyt sy buyten,
Sy is ghetrouwe, en elck zeer vrint,
Diese Godt den Heer int herte sint,
Die is bevrijt van alle qualen,
Dus zijt verheucht,
Dus zijt verheucht
Deur haer, in alle palen.
De Wijsheyt goet, die gheeft te loone,
Die haer bemint ende wel vseert,
Uerciersel net op thooft een Croone,
Waer deur datmen zeer triumpheert,
Haer wercken onghecorrumpeert,
Die zijn elcken zeer aenghename,
Dus ist wel recht,
Dus ist wel recht,
Dat sy heeft groote fame.
De Wijsheyt raet een elck tot Eere,
Sy doet verdrijuen allen Twist,
Sy is bekent by Godt den Heere,
In haer en is gheen Arghelist,
Wie anders doet hy heeft ghemist,
En heeft verlaten die Fonteyne,
Uol alder deucht, Uol alder deucht,
Int s'Werelts pleyne.
| |
[Folio 41r]
| |
Godts Ureese goet, soo staet gheschreuen,
Die is d'Beghintsel en t'Fundament
Uan die Wijsheyt hooghe verheuen,
Die elcken maeckt zeer diligent,
Sy is voorwaer een goet present,
Beleeft, en sy can oock verdraghen,
Alle Oproer, Alle Oproer
Doet sy veriaghen.
| |
§ Prince.Prince playsant, laet Snaerspel clincken,
En wilt verwinnen Sauls woet,
Deur die Wijsheyt sult ghijt ghedincken,
En wilt vercoelen sijn heete bloet:
Die Wijsheyt is van sulcker moet,
Dat sy den Mensche can regieren,
Deur haer semblant
Deur haer semblant
En goey manieren.
|
|