Refereynen ghepronunchieert opte intreden binnen der stede van Delft
(1581)–Anoniem Refereynen ghepronunchieert opte intreden binnen der stede van Delft–
Auteursrechtvrij
[Folio G3v]
| |
Refereyn.
Ga naar margenoot+Nadien de menschen hen heel wijt in allen landen
Eerst deur de menichfuldicheyt ginghen verspreyen
En hoe langs hoe meer tot sware sond' en schanden
Hen, deur quade gheneghentheyts toebereyen
Ghinghen wenden: en dat t'archst' is hen gans verscheyen
Van Gods beuel en woort, twelck es te misprijsen.
Ia leefden als beesten sonder wet in veel contreyen
Heeftmen ten lesten onder hen sien oprijsen
Ga naar margenoot+Menschen diemen wel met recht noemden wijsen
Die begaeft bysonder met scientie goet
Der menscher herten van goer aert, ghinghen veriolijsen
Deur haer deuchsame leer, en brenghen van tquaet tot boet
Instellende goeden wetten, deur d'welck metter spoet
Ghestraft werden alle moetswil, boosheyt en sonden
Ick soud' v daerom (onder correcti) gaern maecken vroet
Dat goe wetten tswaerst en tbest zijn binnen swerelts ronden
Dat deur smenschen verstandt oyt is gheuonden.
Ga naar margenoot+So Godt rechtuaerdich selfs de sonden gaet straffen
En bysonder haet den menschen die booslick leuen
Ga naar margenoot+Wie souden daer jeghens eens derren baffen
Dat smenschen vernuft en verstant hier beneuen
Yet treffelickers oft beter soud' moghen voorgheuen
Dan dat het deur politien en wetten bequame
Den goeden van aert de deuchsaemheyt deed' aencleuen?
En den boosdoenders opden noes stelden sulcx een prame
Waer deur dat zijne moetswil, naer betame
Ghebreydelt werdt? soo oock die te niets waren
En Iustiti op hiel, niemant so bot ick rame
Ga naar margenoot+Of hy verstaet lichtlick wat ons dan soud wedervaren
Namentlick dat d'een d'ander niet en soude sparen
Met ghewelt t'ouerdrucken t'allen stonden
Seg daerom wel naer mijn voorgaens verclaren
Dat goe wetten tswaerst en tbest zijn binnen swerelts ronden
Dat deur smenschen verstandt oyt is gheuonden.
| |
[Folio G4r]
| |
Ga naar margenoot+Tselue canmen an die van Athenen lichtlick spueren
Doen de rijcken den armen van alle hulpe bloot
Met ghewelt oueruielen, en deden trueren
Hen, na haer selfs appetite, (twelck es schande groot)
Tot slauen maeckende, ia ombrenghende ter doodt
En want Solon sonderling met wijsheyt verciert
Den verdructen doen te hulp ghecomen is inden noot
En Athenen in sulck oproer met wetten heeft bestiert
Ga naar margenoot+Straffende den moetswil van die leefden onghemaniert
Ga naar margenoot+Heeft sulcx als Licurgus) sulcken prijs en danck begaen
Dat zijnen naem daer ouer sal werden gheviert
So langen swerelts ronden sal blijuen staen
Hierom de Romeynen seer wijslick bedacht voortaen
Hebben deur raet Hermodori hen onderwonden,
Veel cost, en moyten, datse goe wetten versaemden saen
Om datse waren tswaerst' en tbest binnen swerelts ronden
Dat deur smenschen verstant oyt is gheuonden.
Prince.
Ga naar margenoot+Om dat Iulius een Vorst en Prins goedertieren
Na dat hy Pompeium verwonnen had met vlijt
Romam met politien, wetten en goe manieren
Verciert heeft, sal zijn naem bekent zijn t'alder tijt
En Augusto machmen wel anteyckenen t'selue crijt
Diewel te rechte sprack met goeden bescheede
Dat so de politien, vaet wel dit bedijt
Bleuen alsse doen waren, dat inder ewicheede
Troomsche rijck niet vergaen, dan soud' in goeden vreede
Daghelicx floreren tot allen sijen
Gheuende daer met te kennen, dat gheen steede
Of ghemeente bestaen can sonder politien
Diemen dan eer moortholen, waerdich om verfijen
Mach noemen sulcx by d'hisstorien wert ontbonden
Oock d'experienti' ons daghelicx doet belijen
Dat goe wetten tswaerst' en tbest zijn binnen swerelts ronden
Dat deur smenschen verstandt oyt is gheuonden.
Volbrengt Liefd'. |
|