Refereynen ghepronunchieert opte intreden binnen der stede van Delft
(1581)–Anoniem Refereynen ghepronunchieert opte intreden binnen der stede van Delft–
Auteursrechtvrij
[Folio C4r]
| |
Hier ontfangt Rhetorica de Camer van Naeltwijck.
Ga naar margenoot+Nae dat die Coninginne van Saba bedocht // was
Coninck Salomon te brenghen veel ghiften rijckelick
En also dat voor Salomon den Coninck ghebrocht // was
Oock wel naerstich besien en ondersocht // was
So wast van gout en siluer autentijckelick
So willecom als dit den Coninck was alghelijckelick
Sijt ghy ons mede ghy bloom van Ierico ghepresen
Dat ghy hier comt want tschiet wt lieft tis blijckelick
En al ons doen is mede wt liefden gheresen
Mer om ons druckighe begheerten te ghenesen
So beduyt ons wat ghy segghen wilt met dese lien // al
Want wie schoonst en oncostelicxst sal beuonden wesen
Hem een groote jonste, prijs en eer gheschien // sal.
| |
T'bewys opten Intrede van de Camer van Naeltwijck.Alsoot Rapenbloemken met veel aerdighe gheesten
Als met Rhetorices dienaers nu triumpheeren
So coemt oock die bloem van Ierico tuwer feesten
Die v altsamen doet vrientlick saluteeren
En vertoonen haer Intre die stadt eer eeren
Daer in wy nu hier zijn teghenwoordich present
Let op den sin, wy sullen v induceeren
Tverstant van dien openen ende maecken bekent
Siet daer staetet gherucht vant oorloch dat heeft gheschent
Tghemeen weluaren in ons Hollantse waeranden
En heeft ons vol druckx en benautheyt gheprent
So dat wy by nae waeren ghecomen tot schanden
Want gherucht van oorloch bederft steden en landen.
| |
[Folio C4v]
| |
Daer staet die Maecht van Hollandt vol swaer benouwen
Van grooter benautheyt en weet sy niet waer heen
Ellendich claecht sy, ben ick vol druckx en rouwen
Ick sie die doodt voor ooghen waer dat ick gae treen
Gae ick daer, vint ick tgherucht vant oorloch op die been,
Wendick mijn hier, heeft Mars zijn bloedich swaert gheheuen
Sy troost haer seluen met Christus den vasten hoocksteen
En hout vast aen zijn woort dat te kennen doet gheuen
Met patiency te gorden, sy heeftet bedreuen
En blijft volstandich int Reyne vaderlant soet
En stelt die droefheyt als een schilt haer beneuen
Tot dat liefde des vaderlant die van haer doet
Want een wijsen raet het lant in deuchden voet.
Ghelijck die ghelouighen altijt zijn verhoort
Hoe seer dat sy oyt in benautheyt laeten
So is oock nu dees maecht troost ghecomen voort
Doer lieft des vaderlants die daer is thaerder baeten
En beloeft dees maecht nimmermeer te verlaeten
Want siet spreeckt sy, ick heb den Mars in mijn ghewelt
Sy toont haer een teyken van paeys voor al diet haten
Want die lieft is groot tottet vaderlant, sy vertelt
Waer door het bloedighe swaert haest sal zijn ghevelt:
Dus troost sy haer indernoot wt rechter minnen
Want die barmherticheyt Gods die ghy hier siet ghestelt
Die verweckt die liefde sulcx te beghinnen
Daerom die inden Heer betrout die sal troost binnen.
Prince.
Siet die Princelicke barmherticheyt Gods crachtich
Hoe seer hy dees maecht presenteert zijn ghenaden
Vreest niet v vyandt spreeckt hy ick bent almachtich
Hoe dat sy baren sy sullen v niet beschaden
Ick salse wederstaen die v willen versmaden.
Siet ick breng v die eewighe blijschap mintoot
Dit gheschiet die gheen die deurwandelt mijn paden
Te weten die daer opstaen wt haer sonden groot
Die verweruen dese blijschap door Christus doot
Daer wy alleen door worden nieu harbooren
Dit is die verwinnende Leeuw in alder noot
Die Hollandt bevrijt voor al diet willen verstooren
Tgheschiet vvt lieft, ghy Raepkens, dat wy oorbooren.
|