Refereynen ghepronunchieert opte intreden binnen der stede van Delft

[fol. C3r]

Hier ontfangt Rhetorica de Camer van Noortwijck.

⁺So de luyden binnen Ierusalem verblijt // waren,
Doen God Iosaphat d'overwinning had ghegeuen
Sonder slaen, die by hem doen ter tijt // waren
Teghens de kinderen Moab en Amon verheuen
Een sulcken willecom als Iosaphat quam beneuen:
Gheschiet v mee ghy Lelijkens onder den dooren
Die VVt Liefde bestaen constelick te leuen
Om so alle druck en swaerheyt te smooren
Mer hier wort van v begheert mijn wt vercooren
Dat ghy van uwer Intrede verhaelt d'Intentie
So moghen wy met v vreucht oorbooren
En laet ons tselfde fraey en constlick hooren
Want om prijs end' eer doetmen meest diligentie.

+ 4. Reg. 3.

T'bewijs opten Intrede vande Camer van Noortwijck.

VVant deur Gods ordonnantie alle ding gheschiet.

Ghy Edele Raepkens, die daer Gheneucht Rapen
Met Rhetorices wapen, sullen wy v verbreyen
T'verstant van ons Intrede, en daer niet op slapen
Also die Chaert vermelt, in dese contreyen
Met vier derthienen, sullen wyt gaen scheyen
Sonder langher te beyen, wilt doch aenhoren
Met die Seuen Planeten, comen wy hier weyen
Als ghy moecht sien, wie datter gaet voren
Die schoonste vanden dach, die God heeft vercoren
Want hy gaet doorboren, alle dat duyster is siet
Somen noch breder, van den Lely, onder den doren
Sal verstaen, hoe God die seuen planeten ghebiedt
Want deur Gods ordonnantie alle ding gheschiet.

[fol. C3v]

 

God die daer heeft ghestelt, die Son aent firmament

 

Is ons wel bekent, also wy sien voor ooghen

 

Want hy is Heer, vanden sondach tot ons ghewent

 

Ende oock Heer, der aerden deur Gods vermooghen

 

Hy brengt ons den dach, schoon voort onghelooghen

 

Want hy is doortooghen, met alle claerheyt

 

Hy in het schoonste en tgrootste licht onbedrooghen

 

Datmen inde Werelt, des daechs openbaer, heyt

 

God werter by gheleken, t'opperste licht dee waerheyt

 

So die schriftuyr daer seyt vaet nu wel mijn bediet

 

God almachtich, onsen hemelschen Vaer, seyt

 

Dat die Sonne, onder den Hemel t'claerste licht hiet

 

Want deur Gods ordonnantie alle ding gheschiet.

 

 

 

Also God ons die Son, voor t'beste licht heeft ghestelt

 

Al in swerelts velt, tot des menschen proffijt

 

Hy is een Heer bouen aller planeten ghewelt

 

Oock een vader, der aerden, in swerelts crijt

 

Ende de Mane een moeder der wateren wijt

 

Want die Son subijt verwarmt dat vercout // is

 

Wederomme, die Maen, Regeert by nacht met vlijt

 

Ende met haer coutheyt, tempereert, dat ghebout // is

 

 

 

Regeert die wateren, na datse nieu of oudt // is

 

Die Zee die sout is, maectse datse hooch, of laech vliet

 

Ende die Son maect oock drooch dat bedout // is

 

Sonder die Son waren alle die planeten niet

 

Want deur Gods ordonnantie alle dinck gheschiet.

 

 

 

Prince.

 

Alle sterren ende planeten nemen haer cracht

 

Zijt oock dit wel bedacht, vander Sonnenschijn

 

Want sy domineren, ouer al deur Gods macht

 

Ouer die dieren, der aerden cruyden en vruchten fijn

 

Oock ouer die menschen, metallen, steenen t'heeft al zijn

 

Influens, naden lijn der complexi, en natueren

 

Vermenghinghe, der elementen, na Gods termijn

 

Soo wercken die planeten, somtijts vreemde cueren

 

Te weten Sol, Luna, en Mars met haer ghebueren

 

Tot alder uren, gaen sy vast om, sonder verdriet

 

Also hebben wy, v nu verstant mits besueren

 

Van ons Intrede, ghedaen en sing mijn oude liet

 

Dat deur Gods ordonnantie, alle ding gheschiet.

Haet is quaet.