¶Hoe Iudas Ihesum vercochte voor .xxx. penningen.
Na dien dat ons salichmaker Ihesus Lazarum verwect hadde vander doot in Bethanien, soe quam Ihesus bi lazarum eeten met sinen discipulen Ende Lazarus vertelde daer van die manieren ende bitterheyt der doot waer af Ihesus in zijn menschelijcke natuere verscricte dat hi heel ontstelt was in sijn aensichte ende in al sijn leeden, want hi wel wiste dat hi corts steruen moste den doot voor ons sondaren. Dit siende magdalena, storte costelijke salue op zijn hoot. weert sijnde .iii.C. penningen. Doe wert Iudas gram ende seyde, wat doet dat groot verlies, men hadt mogen vercopen ende hebbent den ghedeylt. Ic. ende Iudas dachte sijn scade te verhalen. ende hi ghinck des goensdaechs daer na totten princen der priesteren ende vercocht Ihesum voor .xxx. penningen.
Auteursrechtvrij
