Hoe hi weder totten heilighen vaderen quam. Dat .xliiij. capittel
Als onse Heer van Petrus ghescheiden was, en hadde hi noch die heilighe vaders in den paradise na sijnre verrisenisse niet ghevant. Daer om quam hi weder tot hem in enen witten clede mit eenre groter menichte der enghelen. Ende als die heilighe vaders hem in sulker glorien comen saghen van verren, ontfenghen si hem mit onvertelliker bliscop ende vrouden ende sanghe ende nedervallende totter aerden aenbeden si hem. Ende als si hem weder op rechten, stonden si voer hem ende volbrochten waerdelike ende blidelike horen love sanc. Ende alst der vespertijt naecte, seide hem onse Heer, dat hi most gaen ende troesten ander vriende ende dat hi schier weder comen soude ende gaf hem die benediccie ende scheide van daer.
Auteursrechtelijk beschermd