Het prieel der gheestelicker melodiie

[p. 199]

☞ Van een ieghelijcks Heylich Patroon oft Patronersse:

Op de wijse, Beata immaculata.

LAet ons al t’samen louen,
Met sanck en snaren spel,
De Borghers van hier bouen,
Want sij’t verdienen wel:
Weest al verblijt,
Singht met iolijt,
Maer eerst maeckt v de sonden quijt.

Weest, etc.

Maer onder veel diuersse

Soo wil ick mijn Patroon
En mijne Patronersse
Singhen een lof ydoon.

Weest, etc.

O soet Patroon verheven,

O Patronersse goet,
Wat soud’ ick v best gheuen,
Dat v sou wesen soet?

Weest, etc.

Wilt ghy ons wel vereeren,

Die onsen name draecht,
Voor allen, wilt dit leeren,
V wel van sonden vaecht.

Weest, etc.

Daer naer soo moet ghy talen

Naer onse deuchden schoon,
Kondt ghy die achter-halen,
Weest seker ‘shemels kroon.

Weest, etc.