Het prieel der gheestelicker melodiie

☞ Hoe een Godtvruchtighe siele tot Iesum is suchtende:

Op de wijse, Nu vveest ghegroet Maria.

Ghelijck den Hert naer’t water snaeckt
Der suyuer klaer fonteyne:
Aldus mijn siele dorst en haeckt
Naer Iesus minne reyne.

Aldus, etc.

Het deruen van v klaer aenschijn

(O Iesu) doet my smerte:
O wesen schoon! o trooster mijn
Daelt neder in mijn herte.

O wesen, etc.

In allen noot wilt my bystaen,

In druck wilt my troost wesen,
In d’armen dijns ghenaed’ ontfaen,
O Iesu hooch ghepresen.

In d’armen, etc.

O Iesu alder-liefste lief,

In als wilt my gheleyden:
Bevrijt my vanden helschen dief,
Als ick van hier sal scheyden.

Bevrijt, etc.

[p. 174]

 

O Iesu door v minne soet

 

Wilt my doch gracy’ gheuen

 

Om te be-eruen ‘shemels goet

 

Naer dit allendich leven.

 

Om te, etc.

 

Op dat ick inder eeuwicheyt

 

Met v Heer’ mach verblijden:

 

En loven uwe Maiesteyt,

 

Nu en tot allen tijden.

 

En louen, etc.

Les pleurs suyuent les Ris.