Het prieel der gheestelicker melodiie

☞ Een ander,

Op de wijse: Alsoo’t beghint.

[p. 141]

AEnhoort toch mijn gheklach,
O Heer’ der Seraphinnen,
Ick treur’ nacht ende dach,
Wel ick beklaghen mach
De sond’ daer ick in lach:
Ick bid v om verdrach,
O Heer’ der Seraphinnen,,
Seraphinnen.      Ick bidde, etc.

Beroert wort al mijn bloet.

Beroert zijn al mijn sinnen:
Maer ick sal metter spoet
My worpen inden vloet
Van Iesus wonden soet:
Neemt my doch in behoet,
O Heer’ der Cherubinnen,
Cherubinnen.      Neemt my, etc.

Nu hoort toch al hier naer

Ghy sondaers in’t ghemeene:
Een sondaresse swaer,

[p. 142]

 

By schoonen daghe klaer,

 

Wascht Iesus openbaer,

 

En drooght hem met heur haer,

 

Die soete Magdeleene,

 

Magdeleene.      En droocht, etc.

 

Al was sy onreyn saen

 

Van hoofde tot den teene,

 

Haer tranen kosten dwaen

 

Al dat sy hadd’ misdaen:

 

Och wat een blijd vermaen,

 

Hierom roep ick v aen,

 

O soete Magdeleene,

 

Magdeleene.      Hierom, etc.

 

Ick ben seer swaer belast,

 

Mijn siel’ is seer onreene,

 

Mijn sonde altijts wast:

 

Och neemt my af mijn last,

 

Eer my de doodt verrast:

 

Ghy zijt mijns Schipkens mast,

 

O soete Magdeleene,

 

Magdeleene.      Ghy zijt, etc.