Het prieel der gheestelicker melodiie

[p. 97]

☞ Een ander,

Op de wijse: Alsoo ‘t beghint.

VVIlt ontspringhen lof-sanck singhen,
Onsen Heer’ ghebenedijt,
Want hy doet ons groote dinghen,
Hier af looft hem met iolijt:
En wilt v van quaet bedwinghen,
Sijn weldaet ghedachtich zijt.

En wilt, etc.

Ingheseten// wildy weten

Wat den Heer’ ons heeft ghedaen:
Door zijn goetheyt onghemeten,
Gheeft hy ons sijn lichaem saen,

[p. 98]

 

Voor een spijse om te eten:

 

Wilt hem weerdelijck ontfaen.

 

Voor, etc.

 

Proeft v sinnen, wel van binnen,

 

Eer dat ghy ontfanghen sult,

 

Desen grooten schadt der minnen,

 

Die hemel end’ aerde vult:

 

Eer dat ghy dit sult beghinnen,

 

Shreeckt ootmoedelick v schult.

 

Eer, etc.

 

Wat mocht Godt ons meerder gheuen

 

Dan dit lieffelijck present,

 

Sijn vleesch ende bloet verheven,

 

In het Heylich Sacrament:

 

Op dat wy in’t eewich leuen

 

Souden komen ongheschent.

 

Op dat, etc.

 

Dese spijse groot van prijse

 

Liefd’ in onse sielen straelt:

 

Wt des hemels paradijse

 

Is voor ons ghedaelt:

 

Looft hem met d’Enghelsche wijse,

 

Van dees spijse onghefaelt.

 

Looft, etc.

 

Glorie, lof, hoocheydt, eere

 

Sy die hooghe Triniteyt,

 

Die ons arme menschen teere

 

Dese spijse heeft bereyt:

 

V louen wy onsen Heere,

 

Nu en inder eeywicheyt.

 

V louen, etc.