Het prieel der gheestelicker melodiie

☞ Een ander,

Op de wijse: Alsoo ‘t beghint

[p. 60]

Beata, immaculata, virgo puerpera,
Quàm purâ, sunt creaturâ, tam digna viscera,
Concipere, induere, lucem paternae gloriae.

Concipere, &c.

O matrem, quę tuum patrem, fundia in aethera!

O florem, quae caeli rorem trahis in vbera!
Lactans Deum, infantulum, caeli terraeque Dominum:

Lactas, &c.

O nate, pro nobis date, noster Emmanuel,

De fruge Mariae suge, butyrum, lac, & mel;
Sunt dulcia, sunt lactea, sunt pura matris vbera.
Sunt, &c.
Primaeua, seduxit Eua, Dux morientium:
Tu plena salutis vena, mater viventium:
Tu referas, tu reuocas, ad paradisi ianuas.

Tu referas, &c.

Nos dentis, maliserpentis, morsus inuaserat:

Diuina, sed medicina, venena dissipat:
Tu medicum, das puerum, cuius est nomen oleum.

Tu, &c.

[p. 61]

 

Laudemus, & inuocemus, fortem mulierem,

 

Mariam, dulcem & piam, quae vicit daemonem:

 

Hanc cordibus, hanc vocibus, hanc veneremur moribus.

 

Hanc, &c.

 

Sis bona, nobis patrona, in ista Bethlehem,

 

Regina, ô Heroina, nouae Ierusalem:

 

Te Cherubim, te Seraphim, laudent Maria perpetim. Amen

 

Te Cherubim, &c.