Het prieel der gheestelicker melodiie

[p. 58]

☞ Een ander,

op de wijse: Alsoo ‘t beghint

DVlcis Iesv, dulce nomen, dulcis Dei genitrix:
Dulce caelum, dulce solum, dulce mortis gaudium?
Dulcis natus, nobis datus, dulcis Dei filius:
Dulcis thorus, dulci chorus, & dulce praesepium.

Dulcis, &c.

[p. 59]

 

Pulchrum numen, pulchrum lumen, noctis in solatium:

 

Pulchrum flamen, pulchrum stramen, & pulchrum palatium:

 

Antrum pulchrum, pulchrum fulcrum, & pulchrum tugurium

 

Pulchrae cunae, vt lux lunae, sed puellus pulchrior.

 

Pulchrae, &c.

 

Salue virgo, salue virga, quae de Iesse floruit:

 

Salue nate, nobis date, quem Maria genuit:

 

Felix tellus, quae per vellus, rore caeli maduit:

 

Felix homo, qui pro pomo, vitae panem accipit.

 

Felix, &c.

 

Iesv veni, flatu leni, cor nostrum refrigera:

 

Carnis aestus; orci quaestus, cessent mundi praelia:

 

Cor deuotum, te vult totum, nam tu solus omnia:

 

Ergo veni, simus pleni, fontis tui copia.

 

Ergo, &c.

 

Pie Iesv, qui pro esu, mali per te vetiti,

 

Nudus nasci, lacte pasci, voluisti perpeti:

 

Da salutem, per virtutem, qua polles diuinitus,

 

Vt hic donum, illic bonum, acquiramus caelitus.

 

Vt hic, &c.

 

Tuus fletus, Iesu, laetus, moestum mundum recreans.

 

Eiulatus tuus, gratus, patri nos concilians:

 

Sed da vere, tecum flere, causam mali, crimina;

 

Vt post mortem, caeli sortem, nobis des in saecula.

 

Vt post, &c.