Het prieel der gheestelicker melodiie

☞ Een ander,

Op de wijse: Alsoo ‘t beghint

ECce tandem sempiternus sempiterni genitus;
Ecce Patris increati increatus filius;
Ecce summi genitoris summus vnigenitus:
Vide quaeso, quà tenello clauditur corpusculo;
Quibus pannis, quali tela voluitur omnipotens.

Quibus, &c.

O mi Iesv puer dulcis infans lactens,

Quidnam illud vt tam paruus tu immensus fleres,
Tu qui sceptrum in Olympo possides empyreo,
Lectum habes nunc in foeno recubans praesepio:
Caelum terra commutasti delectatus stabulo.

Caelum, &c.

Ah homo quid tandem facis? Quid cunctaris trepidans

Quid hic siles, cur non flammas, quid non ardes igneus,
Cur non flagras, cur non amas, quid non speres consequi,
Ah ne time, sed accede, veni, curre, propera,
Tracta, tange casta membra incarnati numinis.

Tracta, &c.

Vox puelli vagientis vah singultim mittitur:

Vox puellae miserantis, ah mi fili dicitur:

[p. 56]

 

Sic qui verbis non valebat fletu matri loquitur:

 

Mater dulcis, amans, languens tota intus soluitur;

 

Cùm audiret illas voces, non tenebat lachrymas.

 

Cum audires, &c.

 

Genis genas adhibebat, atque vultum vultui,

 

Saepe natum postulando, tergensq́ue lachrymulas,

 

Modò deum appellabat illum genu venerans,

 

Modò suum Creatorem, illi grates referens,

 

Modò Regem pręexcelsum, se ancillam exhibens.

 

Modò, &c.

 

Modò patrem perbenignum se praestando filiam,

 

Modò natum dulcem, charum, redemptorem vocitans.

 

Modò sponsum castitatis, illi sese consecrans:

 

Nunc contemplans, nunc adorans, nunc allectans puerum,

 

Nunc demulcens, nunc arridens, nunc astringens pectori

 

Nunc, &c.

 

Lactat virgo, res mirandam lactat patrem filia:

 

Sed si nescis, felix virgo ita lactat puerum,

 

Vt lactetur ipsa quoque melle sancti Spiritus:

 

(Nam quos gustus non haberet Verbum caro tenera)

 

Nec tam fugit puer matrem, quam & mater puerum.

 

Nec, &c.

 

Quam vis enim sit puellus sensu vincit Angelos,

 

Quamvis nequit infans loqui Sermo est omnipotens,

 

Quamvis aetas sit dialis, tamen est prinncipium:

 

Quamvis modò mundo natus, est ante Luciferum,

 

Quamvis foris sit abiectus, rex & et regum Princeps est.

 

Quamvis, &c.

 

Quamvis cubat cum iumentis, illi astant Angeli,

 

Quamvis iacet in praesepi, rex est Cęli curiae:

 

Pretiosus ergo puer, pretiosus filius,

 

Qui dat caelis suplementum & terris auxilium,

 

Donet nobis sine fine duraturum gaudium.

 

Donet, &c.