Het prieel der gheestelicker melodiie

Latiinsche Leysenen vande gheboorte onses Heeren Iesv Christi.

Op de wijse alsoo’t beghint.

[p. 42]

Dies est laetitiae,
In ortu regali,
Nam processit hodie,
Ventre virginali,
Puer admirabilis,
Vultu delectabilis,
In humanitate,
Qui est ineffabilis,
Et inaestimabilis.
In diuinitate.

Mater hîc est filia,

Pater hîc est natus,
Quis audiuit talia:
Deus homo factus:
Seruus est & Dominus
Qui vbique cominus
Nescit apprehendi,
Praesens est & eminus
Stupor iste geminus
Nequit comprehendi.

Vt vitrum non laeditur

Sole penetrante,

[p. 43]

 

Sic illaesa creditur

 

Virgo post & ante:

 

Faelix est puerpera,

 

Cuius clausa viscera

 

Deum portauerunt:

 

Et beata vbera,

 

Quae aetate tenera

 

Deum lactauerunt.

 

 

 

In obscuro nascitur

 

Illustrator solis;

 

Stabulo reponitur

 

Princeps terrae molis:

 

Fasciatur dextera

 

Quae creauit sidera,

 

Dum cęlos extendit:

 

Concrepat vagitibus,

 

Qui tonat in nubibus,

 

Et dira portendit.

 

 

 

Orto Dei filio

 

Virgine de pura,

 

Vt rosa de lilio,

 

Stupescit natura,

 

Quod parit iuuencula

 

Natum ante sęcula

 

Creatorem rerum;

 

Quod vber munditiae

 

Lac dat pudicitiae

 

Antiquo dierum,

 

 

 

Angelus pastoribus

[p. 44]

 

Iuxta suum gregrem

 

Nocte vigilantibus,

 

Natum caeli Regem

 

Nunciat cum gaudio,

 

Iacente in praesepio

 

Infantem pannosum,

 

Et cunctorum Dominum

 

Ac prae natis hominum

 

Forma speciosum.

 

Orbis dum describitur,

 

Virgo praegnans ibat

 

Bethlehem, quo nascitur

 

Puer, qui nos scribat

 

In eorum curia,

 

Qui canebant, gloria

 

Nouae dignitatis,

 

Deus in sublimibus

 

Det pacem hominibus

 

Bonae voluntatis. Amen.