Princesse Liet-boec
(2007)–Willem Reyers de Lange, Anoniem Princesse Liet-boec–
Auteursrechtelijk beschermdLeander schrijft tot Hero [vertaling][editie]op de Stemme: De winter is ons verganghen  2.)[regelnummer]
Soo haest hem sal betemmen /
De lucht so swerdt als peck /
Soo sal 'ck my spoen te swemmen
Nae u lief sonder vertreck
Want my waer aenghenamer
Het swemmen / dan de pen
Dus wert het weer bequamer /
Terstont ick by u ben.
3.)[regelnummer]
Mijn hart is seven daghen
Als de Zee onstelt gheweest /
Ick en doe niet dan claghen
Altijt dunckt my in mijn gheest /
U fackel sie ick lichten /
Mijn Leyd ster in myn noot
Die in my staech doet stichten
Een vier der minnen groot.
4.)[regelnummer]
Gheen jalousy laet crencken /
U seer lief draghende ghemoet
Want als wy overdencken /
De troost ende de kuskens soet
Die wy nae t'swemmen moedich /
Van u corale mondt /
Ontfanghen overvloedich /
Wert ick van nieus doorwont.
5.)[regelnummer]
Ick sucht om u ghestadich
Want by u lief is mijn hart
Maer de wint onghenadich
Altijt meer en meerder wert /
T'is ons een groot beswaren /
Dat onse liefd voort aen /
Neptuni baren /
Ten dienst sal moeten staen.
6.)[regelnummer]
U jonst' en u schoonheden /
Acht ick all' moeyten waert /
Dies was ick corts gheleden
Nae u drie mael op de vaert /
Maer Boreas ontsinnich /
My weer te rugghe dreef
Hy en woey niet so vinnich
Doen Hellas hier in bleef.
7.)[regelnummer]
Als Tant'lus ongheluckich
'ck seer diep int water sit
Nochtans versmoor ick druckich /
Van dorst door liefd' verhit
Ghy sult my niet langh derven /
Troost u zijt niet verbaest /
Ick sal int water sterven
Of by u wesen haest
8.)[regelnummer]
Princes int herdt vercoren
Had 'ck slechts een uer respijt /
Sy sou niet gaen verlooren /
By my dit wel seker sijt /
Trou blijf ick weest wel te vrede /
Voor ontrou weest niet bangh /
Om helst dees in mijn stede /
In u armkens so langh.
|
|