Princesse Liet-boec

Alchione tot Ceyx [vertaling][editie]

Op de Stemme: mocht ick gheluck verwerven

Och Ceyx ick moet nu claghen /
Dats Venus mynen noot
Wie gaet u nu hier jaghen?
In u ghewisse doot
Hoe sou ick het ghedooghen?
Dat ghy waert uyt myn ooghen
Sout ghy dan fijn?
Te vreden connen zyn.

De grouwelijcke baren /
Al vande wilde zee
Connen die u niet vervaren
Die soo zijn vol onvree /
Wat mach u toch lusten?
Uyt myn armen te rusten /
Wilt dese reys
Setten uyt u ghepeys

Prince
O Prince hooch ghepresen /
Alst niet wesen en mach /
Laet ick dan by u wesen
En sien u nacht ende dach
Most ick u nu begheven
T'waer teynde van myn leven /
Wilt ghyt bestaen
Laet ick dan met u gaen.